陳庭欣滿載而歸

贊助商連結

陳庭欣同翟威廉嘅緋聞傳足五年;不過,男嘅近日就傳出跟劉佩玥撻着,仲一包飲品兩份飲;而女嘅亦不愁寂寞,早前就被揭搭上個有米律師,各自各精采。

事業、戀情兩得意嘅陳庭欣,因為做《東張西望》主持,而變得「入屋」。上周,佢同親友去美食博覽展掃貨,沿途好多人認得佢。東姑就見佢對啲保健產品好有興趣,聽完店員講解,即刻買咗包桃膠添。其後,一啲攤檔嘅老闆見佢經過,又主動送禮物,佢亦識做任影唔嬲,相當親民。事後,佢同東姑講︰「今日好多人送嘢畀我,拎到手軟。」唔怪得,佢話年年都嚟呢個展覽啦!

日前,陳庭欣(左一)跟親友一行三人去美食博展掃平貨。

 

佢試飲完,覺得好味,即刻拎起盒桃膠嚟研究一下。

 

現場美食多籮籮,陳庭欣出手爽快,睇啱就馬上畀錢掃貨。

 

陳庭欣行經其他攤檔,啲老闆都大方送禮物畀佢,你睇佢攞得幾開心!

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()