阮兆祥化盧覓雪妝

贊助商連結

阮兆祥向來都係扮嘢高手,真係扮乜似乜。東姑好有印象佢扮過鄭秀文、金正恩、黎明等,上年《阮兆祥硬食放題棟篤笑》搞記者會時,佢仲扮當時嘅「財爺」曾俊華,坐住美食車出場,向現場嘅人士派糖。

不過,佢扮咁多人,最神似一定係盧覓雪,由於佢兩個無論身形、神態,都似到十足十,所以之前廣告商都忍唔住要搵佢哋兩個合作拍廣告。日前,東姑去銅鑼灣時代廣場飲茶,咁啱見到祥仔喺隔籬。當時,東姑驟眼睇以為盧覓雪嚟咗添,皆因只係去飲個早茶啫,祥仔竟然化行妝,粉底、畫眉,全部做齊,個妝仲要抄足盧覓雪噃。現場所見,好多師奶捉住佢影相,佢亦都非常之有禮貌,即使已經可以入座,但係佢都刻意同班粉絲影埋合照,然後匆匆走入去歎早茶。

估唔到飲早茶,祥仔都一絲不苟,化行妝上陣,遠睇真係好似盧覓雪喎。

 

粉絲捉住祥仔傾偈,佢竟然當對方係好朋友一樣,傾得興高采烈。

 

等入座嘅時候,祥仔見到有粉絲同佢打招呼,佢就表現得十分友善,仲一齊企住等。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()