Philip做「跟得老公」,陪住杏兒四圍飛去開工。

探熱針

佗 B四圍飛 老公詐型 杏兒停工安胎

贊助商連結

15年胡杏兒嫁俾 Philip做人妻,婚後兩公婆開行 turbo全力造人,終於得米!今年母親節杏兒宣布有喜。佗 B七個月,大肚婆堅持返內地為新劇跑宣傳,搞到老公冇晒符,惟有親自出馬做貼身保鏢陪住飛。
離港一星期,週五( 1日),李生李太孖住返港,個肚愈黎愈大,但杏兒行動依然好敏捷, keep住摩打腳行得勁快。為免老公再詐型,杏兒都識做,暫時減產專心安胎。

 


唔錫身
上個月初,杏兒唔理老公反對,同「胡說八道會」班好姊妹飛去澳洲拍特輯,搞到 Philip鬼咁擔心,要拜託班姊妹幫手𥄫實老婆,仲喺 ig留言問:「捨得回家嗎?」返港唔夠一星期,杏兒又要開工喇!今次 Philip親自出馬做「跟得老公」,陪住四圍去。
「今次要去廣州、北京再去上海宣傳, Philip明知老婆唔錫身,大住個肚都仲係冇時停,所以幾忙都要請假去看實佢。不過杏兒都應承佢今次係最後一個 trip,之後留喺香港專心安胎,暫時唔會再有大 probject,最多只會出吓 event囉!」杏兒身邊人透露。

側面睇杏兒七個月巨肚現晒形,雙腳仲開始水腫。

停飛安胎
講得出做得到!回港後,杏兒第一時間在 ig宣布要抖一抖:「 This is my last trip before BB Lee arrives, not allow to fly anymore!」大肚婆終於肯定性養胎, Philip可以放心喇!

返港後,杏兒在 ig宣布要停飛,直至 BB出世。

上月初,杏兒唔理老公反對,同「胡說八道」姊妹團坐長途機飛澳洲拍特輯,回港時老公專程去機場接機。

大肚婆唔肯抖,連走廣州、北京、上海為新劇跑宣傳。
雙腳水腫
落機當日,兩公婆前後腳出閘, Philip拉住兩個大喼,杏兒就負責拉細喼,佗 B七個月,杏兒冇乜走樣,著住黑色連身裙,側面睇巨肚現晒形,雙腳仲明顯出現水腫,雖然粗身大細,但杏兒依然好敏捷,出閘後九秒九行去停車場。至於 Philip,護送老婆出閘後,將行李交俾司機,自己又再趕下場,一支箭匆匆離去。

週一(四日),杏兒投資的婚紗店搞時裝展,姊妹們個個俾面撐場,穿上黑色晚裝的杏兒明顯圓潤了不少。

大肚婆唔願停
除咗杏兒,圈中仲有唔少女 artist佗住 B都唔肯抖繼續做,事業心好強!
黎姿


10年黎姿 39歲高齡佗孖女,臨盆在即, GiGi個肚籮咁大,仍被拍得繼續返胞弟黎嬰美容診所開工,老公馬廷強亦全面配合,聘請四個菲傭、兩個看護,團隊式照顧。
楊千嬅


11年千嬅在九展開 Side Touch演唱會,臨開騷發現佗 B,最後千嬅臨時改歌衫,堅持完成五場個唱,其間丁子高全程監場,千嬅更放棄著高踭鞋赤腳出場,完全至上。
Angelababy


今年初, Angelababy幫黃曉明誕下 B仔,懷孕期間, Baby幾乎冇停過密密做,佗住 B繼續拍劇,即使臨盆在即仍開通頂拍廣告。
撰文:娛樂組
攝影、攝錄:陳亦龍、楊紫

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()