探熱針

被嘲人妖港姐 雷莊𠒇父有紅色背景

贊助商連結

今屆港姐由嘟姐一人投兩票,直接選冠軍,兒戲無極限!
出爐冠軍雷莊𠒇同奪最上鏡小姐,但被網民嘲笑似人妖,狂插是近年最醜樣三甲。
父親雷葆文是香港十大傑出設計師,外間有傳他擁有過億身家,但亦有消息指他在 98年金融危機損失慘重,不過近年他積極參與內地政府活動,曾為廣東省青聯擔任導師,紅色背景濃厚,他在政商界人脈甚廣,有助雷莊𠒇順利獲選。

 


任廣東省青聯導師
今年港姐放棄全城投票,冠軍由陳百祥、苗僑偉、陳凱琳等星級教授即場一人一票投選,但「校長」嘟姐鄭裕玲可投兩票,結果由她欽點雷莊𠒇奪冠。
懶理全城怒插,最緊要後台夠硬,雷莊𠒇由在政商界有頭有面的父親雷葆文提名參選。雷葆文是香港十大傑出設計師,名銜多多,包括世界商貿協會嘉賓顧問,近年結束香港生意,主力在內地開設計公司吸北水。
「 Juliette(雷莊𠒇)爸爸以前喺香港有搞投資、製衣、印刷,但以佢間名之道顧問有限公司最好生意、好多大客,好似太古廣場、海港城、 APM、 Mega Box、東薈城、荃新天地等等。不過佢依家定居加拿大,剩番啲時間寧願專攻大陸,專心搞好大陸間設計公司,其實佢好早返大陸發展,八○年已經獲邀去中央工藝美術學院交流,之後差唔多跑勻全中國,連泉州都去,幫唔同企業提升品牌形象,所以佢同內地官員關係幾好。」知情人說。

有指雷莊𠒇獲大會偏幫,晚裝環節獲分配最突出晚裝,而她在最後關頭憑嘟姐一票,鍊贏 1號何依婷奪冠。

有指 Juliette的富爸爸在金融風暴損失慘重,近年積極參與內地政府活動,紅色背景濃。

今屆港姐唔再玩全城投票,評判之一的嘟姐一人投兩票,直接選冠軍。

比賽當晚,經大台悉心打造的 Juliette已經算見得吓人。

負評如潮
Juliette奪冠後,惹來網民怒插,指她又似「人妖」,又似「賓賓」。

有網民仲話 Juliette棚牙可以媲美蔡思貝在《踩過界》中哨牙 look。
之前廣東省青聯舉行香港研修班,中聯辦青年工作部副部長唐淑蘭都有出席活動,雷葆文是其中一位導師,教授品牌營銷策略,明顯跟內地關係密切。
雷葆文早年亦活躍於樓市,曾持有不少商廈及豪宅,先後購入有線電視大樓、羅便臣花園大廈、帝景園、曉峰閣、淺水灣麗景園、加甯大廈、聚龍居及美亞美大廈等多個物業。
不過有消息指雷葆文在九八年金融危機時損失慘重,所以在九九年蝕賣多個物業,將全數香港物業賣出,目前他在香港並冇物業,而他持有的公司亦相繼結束,現在只餘下「雨田消費品有限公司」。之後他們一家就移居加拿大及主力內地發展,而雷莊𠒇曾接受外國傳媒訪問時,曾講過:「老實講一二年搬去多倫多時,屋企經濟唔算好。剛到埗,人生路不熟,無得靠跳舞搵外快,要交租又想繼續學跳舞,如果要讀埋大學,我就要喺高中畢業後停學一年,去搵呢筆錢,減輕父母負擔……好難受,爸爸長期人在國內工作,去維持加拿大家庭開支。」

現任牙醫男友

Juliette有個牙醫做男友,又被網民嘲笑做乜唔搵男友搞搞棚牙?

激嘴前前任

本刊在 YouTube搵到 Juliette同前前度男友 Jin的短片,片中二人多次肉緊嘴嘴。

前任有米中佬
讀 U時, Juliette同富商 Brandon忘年戀,不過上年已分手。
與富商忘年戀
有紅色老竇做靠山外,雷莊𠒇讀大學時,已跟大她一截的中佬富商 Brandon Lim忘年戀。 Brandon的公司主要搞 app及網上商貿,二人拍拖三年,不時在網上放閃,但已於去年中分手。

被指有紅底爸爸撐腰, Juliette經常將屋企人相放上網,睇佢同妹妹都幾似樣。

移情靚仔牙醫
之後她極速移情一名靚仔牙醫,她接受傳媒訪問時,坦言跟男友是遙距戀愛,男友好支持她參選。六月她上載參加男友畢業典禮的照片,並留言:「為你現在的成績感到高興,很感謝你對我的支持,尤其是現在。」有米又有仔,寸得起,不過冇乜港姐風範喎!

比賽翌日, Juliette收工後,再到屈臣道探親戚,其間 Juliette伸脷舔牙,好嚇人!

睇真啲, Juliette無論面形同五官,都有啲似《東張》主持李漫芬。

睇番 Juliette Ig,經常內衣、 tube-top示人,自信心爆晒燈。

Juliette早年接受外國網上雜誌訪問,透露入大學前屋企經濟一度出現問題。

靠父蔭當選
歷年來有不少港姐靠父蔭有後台當選,可惜成功入選三甲都只係有名無實,喺娛樂圈都撈唔起。


張舒雅
有 hea爆港姐稱號的張舒雅,為 08年港姐冠軍,父親張敬猷曾是贊助港姐選美的珠寶商,當選後張舒雅採取不合作態度,推 job請病假,又拒參選國際中華小姐,結果未有演出已經在娛樂圈徹底失蹤。


邵珮詩
14年港姐冠軍邵珮詩,太公是維他奶後人,有家底有背景,邵珮詩一直被指因背景而奪冠,當選後她只係有機會在《愛.回家》做閒角。


龐卓欣
身為 689世姪女的龐卓欣,為 15年港姐亞軍,其父是東驥基金管理龐寶林,家境富裕,加上有個鐘錶大王男友撐腰,龐卓欣不滿被無綫閒置,當選後亦冇簽約無綫,自行開設 YouTube頻道做「網紅」。
出事港姐
「美貌與智慧並重」係以往選美準則,不過近屆港姐質素每況愈下,相信好難再有李嘉欣、郭藹明、袁詠儀等「標準港姐」出現了。


86年 李美珊
86年的李美珊是史上第一個被批評「醜」的港姐冠軍,當年因為有碩士學歷,所以爆冷勝出,選美後並冇加入娛樂圈。


93年 莫可欣
93年冠軍莫可欣,當年以黑馬姿態奪冠,賽後被觀眾批評「醜樣」,跟她同屆有郭可盈、麥家琪等大熱,最後莫可欣以才華,深得評判之一的成龍歡心。


07年 張嘉兒
被封「豬扒港姐」的張嘉兒 07年奪冠,當年網友幫她起咗唔少「朵」,包括「 Miss豬扒」、「廿年來最醜港姐」、「孔慶翔孿生家姐」等。


10年 陳庭欣
10年港姐冠軍陳庭欣,賽前係陪跑分子,爆冷奪冠後被雜誌翻舊賬,搵到她讀書時期的恐怖包面相,相中的她大牙肉、包包面、黑眼圈,好驚嚇。
撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()