同你吟一吟

小三變正印 黃宇詩戰鬥格 陪男友睇戲

贊助商連結

由小三變正印的黃宇詩,同測量公司董事彭慶餘 Peter拍拖近 6年,打風都打唔甩,早排公開話認定對方係終身伴侶,懶理正印上電視數臭,呢晚 9時半黃宇詩一副戰鬥格,一身泰山裝現身數碼港戲院,單拖排隊買飛,再買埋爆谷、汽水,等極都唔見另一半出現,搞到黃宇詩扁晒嘴,食爆谷打發時間,終於臨開場前幾分鐘, Peter先匆匆趕到入場,一見到男友黃宇詩即全程笑笑口,變臉功夫了得。

 


呢幾年一直都被唱係小三,所以警覺性好高,拍拖都似偷情,呢日即使已經是凌晨時分,但黃宇詩依然好謹慎,刻意同男友保持距離,但 Peter似乎冇有怕,開籠雀般同女朋友不停講,行到暗角還想一手將黃宇詩拉近,但黃宇詩刻意迴避,先行到車旁等 Peter,都拍咗拖 6年,又認定對方係終身伴侶,黃宇詩又使乜咁拘謹喎!

散場後男朋友 hyper不停講,還一手將黃宇詩拉埋身邊。

Peter遲遲未到,黃宇詩食住爆谷,等到扁晒嘴。

著泰山裝睇戲分外矚目,黃宇詩不時拉衫整理。

同 Cody育有三子女,離婚後 Peter只俾過少少贍養費。

男友前妻 Cody踩上大台《關你家事》控訴被黃宇詩男友拋棄以及被要求離婚。
撰文:八珍
攝影、攝錄:陳亦龍、余一駱、蕭敬漁

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()