探熱針

食麥明詩檸檬  42吋巨胸余德丞 轉追亞軍劉穎鏇

贊助商連結

前香港泳隊成員余德丞有樣有身形,年初拍到跟十優港姐麥明詩開工前一杯雪糕兩份食,不過隨即被請食檸檬,女方落閘表明鍾情腦部發達男多過肌肉男。唔夠幾個月,余德丞亦有新目標,對 16年亞軍劉穎鏇嗒糖的他,更在台灣出擊,二人日前在當地主持《世界大學生運動會》,余德丞撇甩一班同事,相約劉穎鏇撐枱腳食海鮮。

 


幫女方睇稿
被無綫高層余詠珊睇中力捧的余德丞,拍完重頭劇《誇世代》後,即飛台灣主持《世界大學生運動會》,在當地逗留近十日,余德丞不愁寂寞,事關劉穎鏇亦有份客串做記者,採訪參加比賽的大學生運動員。
「阿魚(余德丞)同 Tiffany(劉穎鏇)雖然去台灣係做同一個節目,不過兩個人負責唔同部分,好少同場,但去到嗰邊,兩個人都約埋去食海鮮,大家都係睇 ig見佢哋 po嘅相背景一樣,先知道佢哋離隊約會。其實阿魚擺明車馬追 Tiffany,因為有時一齊做體育節目,阿魚知道 Tiffany中文差,會幫佢睇稿做翻譯,兩個都係鍾意做運動,大把話題。」工作人員透露。

日前余德丞與劉穎鏇分別到台北採訪「世大運」,雖然大部分時間分開工作,但余德丞卻爭取機會單獨約女方到遊客熱點上引水產歎海鮮。

余德丞熱愛運動,操到一副好 body,與同樣愛運動的劉穎鏇好啱嘴形。

在台北工作期間,余德丞有意無意企正劉穎鏇身後。

余德丞貴為前香港泳隊成員,故他採訪游泳項目時,特別興奮。

劉穎鏇身材均勻,加上笑容甜美,令不少男士傾慕。
Long D男友情淡
去年暑假回港參加選美的劉穎鏇,由於未完成大學課程,去年底才揸定主意停學留港發展,更隨即報讀三個月演藝進修班,劉穎鏇坦言跟正在美國讀書的男友分隔兩地,感情轉淡。

劉穎鏇是 16年港姐亞軍兼最上鏡小姐,比起同屆冠軍馮盈盈,明顯走 sweet路線。

今年初本刊拍得余德丞陪麥明詩,趁開工前去麥記一杯雪糕兩份食,因而傳緋聞。

麥明詩與余德丞同是電視圈新人,早前二人難得有份拍攝台慶劇《誇世代》,余德丞抱着麥明詩分外投入。
撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()