將於九月推出首本寫真的樂瞳,不惜谷盡 32D上圍,大玩初熟誘惑。

探熱針

離巢大解脫 樂瞳前凸後翹大玩初熟誘惑

贊助商連結

29+2的樂瞳( Cilla),早前約滿無綫即宣布離巢,回復「自由身」事業自己話事,更決定豁出去首度推出處女寫真集,告別妹妹仔形象,性感放題大騷魔鬼身材。由於寫真集在書展預售情況已遠超預期,作為「宅男女神」的樂瞳眼見銷情理想,更加不容有失谷盡 32D上圍,以白色泳裝誘惑爆發「初熟」氣息。

 


「初熟」女人味
外形清新甜美的樂瞳一臉童顏,由少女邁向輕熟女,離開無綫後的她不用再受公司掣肘,隨即扑錘推出處女寫真,實行為青春留倩影,她更表示今次行「初熟」女人味路線,突破性感尺度,絕對不是點到即止,希望帶給觀眾一個全新觀感。
「今次寫真集嘅賣點除咗係我嘅第一本寫真集,成件事出到嚟都好陽光同健康,當中大家可以睇到我由少女轉變到而家比較成熟嘅過程,至於呢一輯白色泳衣相,其實係影寫真過程嘅最後一套衫嚟,所以發揮得比較好,而我喺表情上面嘅演繹都係攝影師最滿意,我自己都好鍾意呢輯,亦都用咗呢個造型嘅相來做封面!」樂瞳興奮表示。

前凸後翹,作為「宅男女神」的樂瞳大騷魔鬼身材。

在攝影師 Ronald的指導下,樂瞳配合表情演繹出性感一面。

著住白色露背泳衣的樂瞳玩股惑。

拍攝途中有外籍男泳客全程望到實,樂瞳依然表現專業。

11年,樂瞳在《點解阿 Sir係阿 Sir》中飾演反叛學生妹而入屋。

在無綫告別作《平安谷》中化身「牛屎妹」,同翟威廉做一對,可惜發揮唔多,令樂瞳決心離巢向外闖。

白色泳裝誘惑
上月中,樂瞳與拍攝團隊飛往檳城為寫真取景,緊密拍攝行程又要上山下海,過程絕對唔輕鬆,為達最佳效果,就算拍攝趁一有空檔都狂操做運動,同埋要節食減肥,不容有失的她更谷盡 32D上圍,在猛烈陽光的天氣下,在泳池中以純白色低胸露背泳衣,連續擺出多個誘人甫士。
樂瞳出水芙蓉加上前凸後翹的 pose,引來唔少泳客「𥄫到實」,不過樂瞳就表現專業毫無尷尬。樂瞳表示:「影呢輯相嘅時候泳池邊雖然有好多泳客,有啲一家大細,其間有兩個外籍嘅 teenagers全程望住,不過都冇得尷尬,自己一開始亦都好 ready,知道唔可以耽誤太多時間,我嘅心態只係要爭取時間影靚相。」

處女寫真在書展預售成績遠超預期,樂瞳將在下月 14日舉行簽名會答謝 fans。

飛去檳城影寫真,樂瞳特別登上景點 The Habitat Penang Hill吊橋取景。

樂瞳間中亦有在 ig貼三點式相益粉絲。
盡騷人魚線
嬌滴滴的樂瞳自言天生易肥,更直言這幾年間體重比昔日暴脹十幾磅,連帶上圍升 cup,樂瞳更用盡方法努力減磅,操到有人魚線:「拍攝團隊食緊飯大魚大肉嘅時候,我就自己喺間房度狂做運動試吓將條人魚線谷出嚟,今次你哋會見到某啲相都會有『線』睇吓,條腰都 firm!」看來今鋪樂瞳搏到盡鎖住宅男眼睛!
北上賺人仔
樂瞳滿約後決心離巢向外闖,回復自由身後工作亦接踵而來,早前仲有機會北上賺人仔:「其實離開之後我覺得係輕鬆咗好多,嚟緊會拍廣告、微電影、飲食節目等,亦都會做好多 social media嘅嘢,我自己都 enjoy呢種生活,覺得冇咁限制自己,希望努力工作賺錢養家先。」

出發前,樂瞳經常行山做運動 keep fit。

更好發展
不少藝人於無綫捱足多年,都冇機會上位,反而離開大台,另闖新血路有更好發展,收入更是十級跳。


林芊妤 Coffee
08年入 TVB做遊戲節目《耳分高下》的「 Sing之天使」, 14年,「殘廁 gathering」事件一夜成名, Coffee即被無綫解約,離開大台後, Coffee因禍得福,任瑜伽教練,做到有聲有色,更打算擲一千萬買個單位自開瑜伽學校。


譚小環
94年,港姐入行的譚小環,於無綫捱足十八年,月薪僅得一萬八千, 14年,譚小環決心離巢,轉行開鋪賣魚蛋,親自落鋪做生招牌,日賣一萬粒魚蛋,開張一個月已賺大錢,再開分店,被內地粉絲封為魚丸西施。


陳琪
畢業後加入無綫,做足 20年,但一直都只係綠葉角色,今年三月陳琪拍完《深宮計》後決心離巢無綫,轉行做「 KOL」,於網上推介小朋友產品,更賣到斷晒市,又開網購生意,主攻韓國男女時裝,為她帶來更好收入。
撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()