坐咗成粒鐘車先返到學校,落車時 Aiden呆呆滯滯,冇晒心機。

探熱針

來回車程兩粒鐘 陳豪大仔讀半山冷門幼稚園

贊助商連結

生產力超強的陳豪、陳茵媺夫婦,婚後三年抱三,大仔陳梓燁( Aiden)眨吓眼三歲,夠秤升 K1,之前有傳兩公婆為谷阿仔做數學天才,幫佢報讀偏門猶太教國際學校。據知 Aiden其實係入讀位於猶太學校隔籬的「幼童樂團協會幼兒園」。
最近身兼母職的陳豪,日日負責湊阿仔返學,上週四開學日,兩父子由大埔寓所到半山,坐足成粒鐘車。返到學校,阿仔已經呆呆滯滯,要爸爸半拖半拉先肯入課室,真係睇見都戥佢攰呀!

 


鍾情活動教學
學位爭崩頭,為咗囝囝可以入讀心儀學校,陳豪夫婦大包圍,去年開始四出到各大國際學校叩門,當中包括有「首相搖籃」之稱的哈羅香港國際學校,仲有深受名人熱捧的加拿大國際學校,經一輪篩選,兩老婆最終安排囝囝入讀位於半山波老道的「幼童樂園人協會幼兒園」。
「之前有報導話佢哋要谷個仔做天才,所以讀猶太教學校,其實佢哋就係唔想谷啲仔女,想佢哋輕鬆啲,而家讀呢間幼稚園雖然唔係一條龍,但佢哋 buy佢係活動教學同冇功課壓力,等佢讀完幼稚園,先慢慢再幫佢搵國際學校。」陳茵媺身邊人透露。

陳豪一路睇錶,一路拉住 Aiden行,連阿仔個書包未拉拉鏈都唔知。

去到學校門口, Aiden兩隻手拉住爸爸唔肯入去。
唔揀名牌學校
Aiden入讀的幼稚園,雖然並非名牌學校,學費亦唔算特別貴,$48,400一年,不過學校堅持用小班教學,每班只有十至十五個小朋友,全英語教學,最緊要係學校採用英國「兒童啟蒙階段學習」( Early Years Foundation stage)課程,主攻讀寫能力、溝通、體能、數學同社交等七大學習領域,加上活動教學,而且甚少功課,真正「寓學習於遊戲」。

幾經辛苦送完阿仔返學,陳豪自己揸車離開。

返了幾日學的 Aiden似乎已習慣,沒有再出現扭計情況,乖乖行入學校,而陳豪就幫囝囝孭書包,認真廿四孝。
保安嚴密
為了阿仔可以愉快學習,兩公婆日日長途跋涉都冇所謂,計一計數,由陳宅位於大埔比華利山寓所返到學校,來回車程起碼兩粒鐘,不過陳豪同陳茵媺都堅持每日親自接送。
阿爸阿媽用心良苦,不過 Aiden似乎唔多領情。最近 Aimee復出拍新戲《日月星》,湊仔重任交晒俾老公。上週四(二十四日)學校開學日,陳豪單拖湊仔返學,現場所見,學校保安非常嚴密,不時有外籍保安員巡邏之餘,有陌生車輛停泊在學校附近,保安員更會用警察專用的「車底檢測鏡」檢測車上是否藏有爆炸品,認真大陣仗!

學校附近有保安員不停巡邏,一有陌生車輛停泊,更用「車底檢測鏡」 check車。

唔願返學
上晝九點,陳豪揸車載住 Aiden到達學校,坐完成粒鐘長途車, Aiden已經攰到冇晒心機,呆呆滯滯!泊車後,陳豪拉住阿仔上斜路,阿爸心急一直睇錶,但孭住大大個書包的 Aiden就愈行愈慢,書包仲要冇拉拉鏈。臨到學校門囗, Aiden開始兩隻手扯住爸爸,唔肯行入學校,最後陳豪又拉又氹,終於成功送阿仔入課室,自己揸車離開。

趁暑假,陳茵媺一拖三返加拿大探親,陳豪親自接機,一見阿女即肉緊錫錫。

陳茵媺帶住三個小朋友參觀農場,親親大自然。

三年冇拍劇,最近陳茵媺復出拍校園電影《日月星》。

三年抱三,陳豪劇接劇冇停手搵奶粉錢。

早前兩公婆撇甩三個仔女去 shopping,廿四孝陳豪仲幫老婆拎手袋。
冷門學校
位於半山的幼童樂園協會幼兒園, 79年創校,歷史悠久,為區內一間小型非牟利學校,學校校風優良,被一眾家長評級為 8.5分以上,學校主要以小班教學為主,師生比例 1:8,老師來自不同國家,鼓勵自主教學,小朋友從遊戲中培養學習的樂趣,全年學費$48,400,相比其他名牌學校平一半。
另一例子,天后陳慧琳兒子「蝦餃仔」劉昇,亦同樣放棄名牌學校,現於荔景宣道會劉平齋紀念國際學校就讀小二,學校同樣實行小班教學,每班只收約 18個學生,老師更能照顧學生需要,全年學費約 10萬元,相對不少國際學校算是平民價。

Aiden入讀的「幼童樂園協會幼兒園」位於半山波老道,主張小班及活動教學。

撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()