Kenny在香港時以價值三十多萬 Audi出入,算係好慳家。

探熱針

一路向北 身家 7000萬 關智斌買 1700萬新樓俾屋企人住

贊助商連結

今年 36歲,前 Boy'z組合成員關智斌( Kenny),雖然成績不及師弟陳偉霆,不過九年前開始北望神州,由四、五線角色撈起的他, 13年終於憑《追魚傳奇》彈出,一套三十集電視劇叫價三千萬,在加拿大、北京、橫店以及香港都有投資磚頭,五月再入貨,以 1694萬買清水灣傲瀧新屋俾屋企人住。

 


自己住村屋
關智斌跟家人合買的清水灣傲瀧新屋,面積九百多呎,一直以二萬多月租清水灣村屋的他,未有打算跟家人搬入新居。
「 Kenny唔會搬入新屋,事關佢好鍾意依家住緊嘅清水灣村屋,空氣清新,架車又可以泊喺門口,出入好方便。佢一四年買嗰間浚峯,一直都係放租。反而呢間新屋唔會租出去,會俾爹哋媽咪住,其實佢兩老間唔中會返加拿大探屋企人,所以間屋好多時都係冇人住。」知情者說。

Kenny現在獨居的清水灣村屋,月租二萬多,面積過千呎。


他跟屋企人夾份購入的傲瀧新屋,屬低密度住宅,屋苑更有一個大泳池,環境幽靜。

14年購入位於堅尼地城的浚峯,他一直放租冇入住。
三千萬一部劇
○八年事業低潮,試過兩年冇工開, Kenny決定單拖北上搵出路,在橫店搵地方落腳,住過八十蚊一晚旅館。一三年,執二攤擔正內地劇《追魚傳奇》,竟爆紅成搶手貨,一切來得不易,慳得就慳的他更加唔會亂使錢。
「 Kenny雖然冇 William(陳偉霆)搵咁多,不過《追魚》套劇收得,佢之後好多部劇都係做男一,一部三十集嘅電視劇,佢可以收到三千萬,總之搵多咗好多錢,所以呢幾年搏命買樓,依家喺北京、香港同加拿大都有屋,連橫店都有入貨,身家起碼有六、七千萬。不過佢慳慣,就算賺到錢都唔大使,除咗做嘢,依家搭飛機都仲係坐緊經濟艙。」知情者說。

他執二攤跟趙麗穎合作電視劇《追魚傳奇》,結果一劇爆紅。

試過在國內開工年半冇休息,早前趁有空去東京旅行,冇拍拖的他自認是單身狗去旅行。

未同張敬軒分手前,他不介意高調晒幸福, po二人跟黃秋生、 Isabella等朋友聚會合照。

最後加入組合 Boy'z的師弟陳偉霆,成為國內一線紅爆小鮮肉,有指拍劇酬勞一億,成為英皇金蛋。

同期出道的另一 Boy'z成員張智恒近年轉向電視圈發展,機會不斷,不過偷食新聞多多,一度被公司雪藏。


17年谷胸

16年 man爆
去年八月再出唱片, Kenny特登操大隻拍 MV影封面,今年拍內地網絡電影《血戰銅鑼灣》,扮江湖人物的他,繼續操肌 man爆,跟 03年初出道的青靚白淨分別甚大。

03年青靚白淨
撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()