探熱針

樊少皇側側膊 大肚 JJ買護膚品要自己俾錢

贊助商連結

樊少皇同細九年的賈曉晨( JJ)前年終於拉埋天窗,婚前樊少皇被踢爆有老婆,仲收埋一對仔女,婚後 JJ又發現老公欠下 200萬巨債,不過絕對無損兩人感情。
今年六月,樊少皇 44歲生日, JJ宣布造人成功。呢日兩人孖公仔在又一城出現,老婆大住個肚,樊少皇全程小心扶實,不過陪老婆買護膚品時,樊少皇就好唔識做,繑埋對手要 JJ自己扲荷包俾錢。

 


孕味十足
日前《壹》仔見到 JJ同樊少皇兩公婆手拖手喺又一城行街街,他們一個就著到全身白,一個就全黑,黑白雙煞咁行街,佗住 BB的 JJ睇上去唔算肥咗好多,但都睇得出四肢開始出現水腫,行行吓不時扶吓條腰,孕味十足㗎!作為大肚婆,佢都著番鬆身長裙加對平底鞋,夠晒安全。

全程攬到實一實,護住老婆晒恩愛。

佗住個 B條腰當然攰, JJ都要用手扶吓。
齋食沙律
兩公婆呢樣睇吓嗰樣望吓,漫無目的咁行商場,全程兩個都勁 sweet十足糖黐豆咁款,唔係雙手拖到實一實就係樊少皇攬實 JJ膊頭,驚死人唔知佢哋恩愛。行行吓 JJ見攰,兩個人入咗餐廳坐低食飯,嗌了兩個湯、一塊扒,加多個沙律,但 JJ就淨係食沙律, BB會唔會唔夠營養㗎?兩公婆成餐飯有講有笑,感情真係相當唔錯。

兩公婆食飯全程有講有笑,感情相當唔錯,但 JJ淨係食沙律菜,夠營養咩?

自己俾錢買護膚品
食飽抖足精神,他們就去了一間護膚品店,這間護膚品店專賣有機認證嘅護膚品,唔少孕婦都用,話明有機少啲化學添加物對 BB都好啲。老婆專心揀護膚品,力王都無唔耐煩,企喺一邊陪老婆慢慢揀等老婆慢慢試,不過埋單俾錢竟然唔係力王俾,而係 JJ自己俾。咁又正常嘅, JJ連 200萬巨債都有份幫老公還,區區一千幾百小數目,自己俾完全無難度啦。

好老婆買嘢都自己俾錢,力皇坐喺一邊無動於衷。

老婆揀護膚品,力王喺一邊玩住電話陪聽。

啱啱六月, JJ喺微博公布懷孕消息。
無人認得出
不過話時話,近年佢哋兩個都係喺內地積極發展,但呢日毫無遮掩咁喺唔少內地同胞出沒的又一城行街,竟然全程無人認出佢哋兩個,認真奇怪,不過點都好兩公婆經歷咁多風風雨雨,仲係咁恩愛,打風都打唔甩,真係唔簡單㗎。

JJ個肚愈嚟愈大,出門全部都著鬆身衫。

二人感情經歷風風雨雨,終於在 2015年結婚。

JJ日前為老公抱不平,在微博指責亂傳謠言的人。

力王與前度有一對仔女。

兩人夫妻檔出席公開活動。

JJ之前在大陸因駕駛問題與人爭執。
女星還債
賈曉晨為夫還債令人感動,其實娛樂圈中亦有唔少女星都為家人還債。
張栢芝


張栢芝本來被伯樂朱永龍發掘,順利進入娛樂圈。但因老豆好賭,欠落巨額賭債,將栢芝合約轉賣給向華強和向華勝的「中國星」公司。
楊丞琳


楊丞琳讀高中時,爸爸投資生意失敗,欠下 500萬台幣,所以佢出道後就簽字做擔保人,幫爸爸還債。
蔡少芬


蔡少芬阿媽嗜賭成性,蔡少芬出道十年,蔡母賭十年,她耗盡積蓄同物業都未能徹底還清母親嘅欠債,據說總值超過 8,000萬,她更開過記者會,話要斷絕母女關係。
林依晨


林依晨 5歲時父母離異,母親積欠百萬台幣信用卡債,中學時媽媽又中風, 17歲就擔起頭家,入娛樂圈後成功還清家中債務。
撰文:鍾慧嘉
攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()