探熱針

Janice Man離巢 古天樂林家棟夾文青女陳漢娜上位

贊助商連結

鄧麗欣( Stephy)去年底離開太陽娛樂向外闖,轉戰內地發展的 Janice Man(文詠珊)今年亦會約滿離巢,手上無女將,揸弗人黃栢高將蔡潔解凍,亦開行 turbo力谷廣告商新寵文青女陳漢娜( Hanna),安排巨星古天樂、影帝林家棟傍住上位,在《殺破狼.貪狼》坐正女一。

 




陳漢娜在拍攝現場培養感情。


有機會同古天樂和林家棟合作,陳漢娜自言開拍前已經有壓力。


蔡潔解凍

太陽娛樂近年投資電影為主,不過旗下女藝人卻買少見少,薛凱琪鍾意唱歌多過做戲,蔡潔又戀愛大過天,加上 JM快將約滿離巢,公司惟有轉 plan改捧未拍過戲乖乖女 Hanna。
「蔡潔 outlook好而且肯搏,初出道時, Paco都覺得佢好有條件,可惜早排顧住拍拖,所以有段時間俾人掟入雪櫃,雖然蔡潔知衰同王宗堯斬纜, Paco亦再俾機會佢,依家拍緊張孝全、吳鎮宇套網劇《香港華爾街》,但公司都要觀察一段時間。」知情者說。




Paco向來有眼光,睇中陳漢娜後,即安排她拍過億大製作。


JM近年猛拍內地劇,有指她計劃將基地搬回內地。 轉會太陽娛樂

機會未必人人懂得珍惜,在投資過億的《貪狼》中飾演古天樂女兒的 Hanna,學生時期已經做模特兒,拍了不少廣告且賺錢能力極高,但深明機會來得不易。
「 Hanna個樣好有 style,一直拍好多廣告,早排拍咗東海堂同 SONY,網友都好 like,因為咁多咗好多人留意佢。今次拍戲,唔只做古仔個女,仲同林家棟有對手戲,第一套戲就對住兩個勁人,佢算表現唔錯。本來佢係太陽旗下 Sun Esee模特兒公司嘅 model,拍完《貪狼》後,公司即刻幫佢轉會,做太陽娛樂文化嘅藝人,等佢可以專心拍戲。」身邊人透露。
拍戲不及廣告收入, Hanna承認現階段最緊要有機會:「其實拍一個廣告已經係一套戲嘅收入,不過有機會拍電影做自己鍾意嘅嘢,錢唔係問題,反而我覺得電影公司好大膽,用一個完全冇經驗嘅新人。坦白講,我未開工前好緊張,諗過好多可能會發生嘅事,又驚做得唔好會影響成個團隊。但好感恩,自己第一次已經同咁勁嘅班底合作。」




電影中以尋找失蹤的陳漢娜為故事背景。


陳漢娜十分受廣告商歡迎,早前拍過的 SONY和東海堂廣告,令她人氣急升。


蔡潔跟前度王宗堯的「浴照」出街後,即被雪藏,直至二人甩拖,她再被安排跟張孝全拍網劇。


Stephy離開太陽娛樂,專注內地市場。


薛凱琪年初開過演唱會,年底又會出唱片,依然緊張歌唱事業。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()