任達華血濺街市

贊助商連結

剛喺書展推出攝影集嘅任達華,轉頭已北上廣州為內地電影《時代狂人》開工。飾演古惑佬嘅佢,日前現身番禺街市拍攝一場被劈戲,搞到滿臉滿身鮮血,幾可亂真,引得不少街坊圍觀。

向來鍾意捐窿捐罅嘅華哥,難得走訪當地街市,也貪得意到唔同嘅檔攤八卦,相當親民。由於當日係煞科戲,華哥完成工作後,除跟台前幕後工作人員合照外,仲親筆簽名作留念。據知,華哥稍後會會合老婆同囡囡去旅行家庭樂,因為放假後即又要投入宣傳工作,佢有成四部戲等住上,相信有排忙。

華哥戲中被劈,化妝師細心地喺佢額角及臉頰上搽上血漿。

 

 

 

拍攝前,佢遊走當地街市,更鬼馬地聞鹹魚。

 

在街市拍足四個小時,佢又跟肉檔檔主吹水,不少街坊也趕過來睇明星。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()