張立基鴛鴦嬉水

贊助商連結

今年入「五」嘅張立基,一五年宣布其女友Fiona有喜,正當佢開心快將做爸爸,並準備結婚之際,不幸嘅事件接住發生。當年七月,張母因病去世,佢質疑醫療失誤,頻撲要為母親求公道;九月初,女友又不幸流產,事件令佢大受打擊。

最近,東姑發現張立基已經走出陰霾,o依家同老婆住喺新界區,雖然工作好繁忙,成日都要返內地登台,但係佢都會盡量抽時間陪老婆。最近炎炎夏日,佢仲專登捉埋老婆,喺屋企游番個靚水,兩口子鴛鴦嬉水,好不溫馨,淨係玩花都玩咗成個下晝,就知道佢哋有幾恩愛喇!

同老婆玩鴛鴦嬉水,心情大靚嘅張立基,high到將朵花擺上頭,不過睇落又幾鬼可愛啫。

 

除咗做嘢之外,張立基都會捉緊時間同老婆形影不離,好鬼sweet!

 

張立基教教你,喺泳池唔係淨係游水,仲可以玩花花自拍。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()