吳浩康「烏歪」落街

贊助商連結

吳浩康係九龍東麗港城屋苑嘅老街坊,住喺度已經成十幾二十年,東姑聽住喺呢個屋苑啲friend講,經常見佢出出入入,仲話佢冇乜理會歌手嘅形象,落親街都好街坊裝。

早前,東姑去開麗港城竟然巧遇到佢,相信佢當時應該都係落街買啲嘢,見佢左手揸住電話,右手揸住鎖匙,着短褲、踢人字拖就咁行出街。不過,留意埋佢個look,連鬚都冇剃,頭都冇梳,睡眼惺忪似係啱啱瞓醒嘅樣,又真係過份「烏歪」咗。可能因為佢係呢處嘅「地膽」關係,所以不修邊幅都冇有怕喇!

吳浩康呢個街坊look,完全係不修邊幅,既冇剃鬚,又冇梳頭,似係啱啱瞓醒咁款。

 

身為麗港城「地膽」嘅吳浩康,出出入入都着短褲、踢晒拖,唔係好顧自己歌手嘅形象。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()