直擊 奧蘇利雲澳門出Q尋開心

贊助商連結

東姑唔止夠八,仲好多才多藝o架!唔係又點會諗住過大海食好西relax吓,都認得啱啱《香港桌球大師賽》嘅亞軍「火箭」奧蘇利雲(Ronnie O'Sullivan)啫?當日「火箭」同香港經理人助手,一行兩人喺港澳碼頭出發,只見佢拉個長盒不離手,等船、上船、放行李、落船,都揸到個盒實一實,唔使諗都知係佢支搵食Q啦!

帶住支Q去happy,四十一歲嘅「火箭」護Q都護得好細心,唔係你當佢職業生涯累積嗰近億港幣獎金係流o架咩?不過東姑最好奇嘅,反而係「火箭」右手手腕上嘅沉香木珠手鏈,本身係天主教徒嘅佢,曾經話過對佛教好有興趣,仲成日去倫敦佛教中心食lunch添!「我對宗教抱開放態度。」「火箭」咁deep嘅回應,係東姑後來Google到嘅,實在參唔透,唔係集佢郵嗰陣一定求「火箭」指點吓。

係!「火箭」奧蘇利雲喺《香港桌球大師賽》輸俾羅拔臣得第二,但佢喺冠軍戰第五局嗰一Q143度,夠東姑回味啦!

 

以「火箭」呢啲重量級人士,等船梗要去VIP區,但親民嘅佢只係喺港澳碼頭嘅候船大廳,同埋東姑一等平民齊齊等。

 

去到澳門,「火箭」都係Q不離手,揸到實一實,而且因為接待房車no show,搞到佢伸晒脷,不過都唔及佢右手腕上嘅寧神沉香木珠手鏈搶眼。

 

坐VIP房過大海,但行李包括支搵食Q都要放喺行李區,奧蘇利雲對個LV喼都冇對支Q咁寶貝。

 

十七歲就成為桌球錦標賽冠軍嘅奧蘇利雲(左),餅印爸爸Ronald係佢打桌球嘅動力,Ronald喺九二年因謀殺而被判終身監禁,到一○年獲假釋;媽媽Maria早年都因為逃稅入獄,令「火箭」曾失依靠,但都無損一家人感情。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()