梁朝偉揸300萬新玩具買餸

贊助商連結

六月尾歡度五十五歲生日的影帝梁朝偉,原來「靜靜雞」為自己買了一件三百萬元的生日禮物,就是一架新款開篷Benz跑,更揸「新玩具」輕鬆去買餸。日前下午,梁朝偉casual地以運動look、戴帽戴口罩,揸「新玩具」去金鐘太古廣場超市買餸,專揀有機食品,食得有營健康,難怪靚仔萌樣可以五十年不變。

返入車廂,凍齡男神火速除下cap帽口罩。發現記者時,佢表情傻氣,睇落嫩口又好可愛!

 

保養得宜

「神級美魔男」梁朝偉和五十一歲太太劉嘉玲,由拍拖到結婚近三十年,婚姻生活美滿,他早前完成馬楚成執導的新片《歐洲攻略》後,終於可以回港休息,向來愛靜的他繼續做住家男,只是間中外出買餸自己煮飯。

日前下午約三時,一身運動服、戴cap帽口罩的梁朝偉,獨自去金鐘太古廣場超市買餸。他把口罩拉近雙眼、加上頂帽壓得極低,近乎完全掩蓋整個靚仔樣。近年注重養生的他,除愛跑步、滑雪和滑水等運動外,亦有搵營養師度身訂做營養餐單,嚴格控制三餐以防止三高,更會定期到醫館針灸調理體質,實行內外防腐保凍齡。

難怪,當日梁朝偉在超市,就只揀有機蔬果如有機沙律菜、有機藍莓等,就算揀樽沙律醬,都細心閱讀成分標籤,盡量食得少糖少鹽少油。

落地唔夠一個月的Benz S500開蓬跑車,V8引擎、4,663cc,連稅價錢約282萬元。(右圖為同型車)

 

有新玩具當然勁錫車,買完袋餸梗係要放車尾廂。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()