「東智戀」靚車開心「些牙」

贊助商連結

「巨聲幫」出身嘅謝東閔(閔大人),同「宅男女神」朱智賢(Ashley)傳緋聞,兩個人雖然唔認拍拖,但情侶關係差唔多係圈中公開嘅秘密。好似早排就畀本刊發現,佢哋孖住一齊返工、放工,閔大人仲揸住佢架過百萬跑車,做御用「柴可夫」接送女朋友添。

此外,東姑仲有兩人「有路」嘅鐵證,就係佢哋一架車可以開心「些牙」(share)揸。Ashley平時多數都會揸住一架火紅色Mini Cooper出入。據悉,呢架車係佢Daddy開嘅車行名下;不過,佢手車麻麻,認路亦矇查查,所以平時多數由男友閔大人負責揸軚盤。

早排,東姑撞到閔大人,就見佢揸住女友架Mini Cooper招搖過市,同行仲有港男許家傑,趁女友唔喺身邊,兩個「麻甩」man's talk似乎特別free,開車前企街吹水。東姑見閔大人攞住部電話遞畀許家傑睇,嘴角笑淫淫咁,唔知係咪講埋啲「女士不宜」嘅話題呢?小心唔覺意畀車cam錄到,跟手又畀Ashley(目及)到,到時你就知!

閔大人同Ashley一架車兩份用,呢日佢就揸住女友架Mini Cooper招搖過市。

 

平時冇男友做「柴可夫」,Ashley會自己揸番呢架火紅Mini Cooper出入。

 

閔大人睇住個電話屏幕睇到兩眼放光,跟住仲興奮到將電話遞畀許家傑一齊分享。

 

閔大人身高六呎居然仲嫌自己唔夠高,當日就見佢着對厚底波鞋,疑似再增高。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()