擔任市場經理的 Baron,時常要去不同的餐廳找負責人傾談合作的事宜,圖為 Baron向阿一飲店集團總監陳志豪及其母親陳太,解釋如何利用大眾點評作市場推廣。

青雲路 Premium Position

90後推廣內地生活平台

贊助商連結

現時智能手機普及,不少人會透過不同的搜索平台找尋美食及娛樂。 90後的 Baron(甄思銘)在內地讀書時體會到生活服務平台的便捷, 17年,他有機會擔任聯商網的市場經理,負責拓展大眾點評在香港的市場,希望吸引商戶合作外,同時要增加市民對平台的認識,目標是把大眾點評變成香港最多人使用的餐飲消費指南平台。

阿一飯店集團總監 陳志豪
大眾點評係內地多用戶量嘅平台,同時我哋嘅銅鑼灣店新開張,想向內地旅客做推廣,同佢哋合作之後,見到有人透過 app向我哋訂枱及購買優惠套餐,做到想要嘅推廣效果。

聯商網是美團點評的香港代理,身為聯商網市場經理的 Baron,負責拓展美團點評在香港的市場,「美團點評係兩個內地網絡平台大眾點評及美團合併後嘅名稱,我哋喺香港主力推廣大眾點評呢個 app,佢係國內最大嘅生活服務平台,提供娛樂、餐飲、旅遊景點等指南及可進行團購優惠,直接以電子貨幣交易。」
Baron表示大眾點評擁有大量內地旅客的用戶,是吸引商戶的賣點,「香港已經有 openrice呢類餐廳搜索平台,但我哋有大量嘅內地用戶基礎。𠵱家每月香港都有 300萬嚟自內地嘅旅客,加上喺香港工作及讀書嘅內地人,佢哋多數係大眾點評嘅用家,佢哋會用 app嚟搵餐廳,同時我哋會同合作嘅商戶推出套餐優惠或折扣,增加對旅客嘅吸引力。」
目前大眾點評香港站的每日瀏覽量有 2、 3百萬,活躍用戶約有三十多萬人。至今已吸引阿一飯店集團、滿屋、北倒翁中日火鍋、太湖海鮮及喜記等餐飲品牌,加入成為合作商戶。




培訓公司員工亦是 Baron的工作之一,「會向新入職嘅員工講解我哋大眾點評嘅優劣之處,同時會指導佢哋點樣同商戶 present。」


現時聯商網屬初起步階段, Baron(中)要時常向老闆 Eric(左)匯報工作情況,及商討推廣的方向。 讀書狂儲人脈


大眾點評是開放式平台,普通用戶亦可在上面建立店鋪訊息及上載相片。

今年 23歲的 Baron, 12年 DSE畢業後,因成績不理想,便到廣州暨南大學修讀金融工程,「自己喺學校算活躍, 4年間做過學生會幹事、主席等,又會參與學術交流團、接待到訪學校人員等。 16年,校方想喺校園內開間 cafe,都搵我去搞呢個 project,由寫計劃書、裝修、管理到招募人手,我都有份去搞。 16年畢業後,我留喺廣州經營 cafe。」
在廣州讀書期間, Baron在交流會上認識到現時的老闆 Eric,「今年年初,佢話成立咗公司做美團點評喺香港嘅代理,想搵我幫佢手。自己喺內地生活咗 4年,平時都有返嚟香港,對比下內地用移動支付好普遍,買衫食飯睇戲都可透過電話畀錢,用落係幾方便。大眾點評係內地最多人用嘅 app之一,要將佢推向香港,覺得係好嘅工作機會,仲好有挑戰性。」

分配同事落區見客

現擔任市場經理的 Baron,平時的工作是出外見客及管理人手作推廣工作,「我哋會做 cold call,亦會落區 walk in入餐廳去搵負責人傾合作。我負責尖沙咀及銅鑼灣區,其他區就分派畀熟悉該區嘅同事負責,例如喺嗰區住或者行開,對餐廳分佈較熟悉,搵路上都慳番好多時間。」
Baron認為推廣最大的難度是商戶對產品的不認識,「會有對內地資訊唔太熟嘅人,同佢講大眾點評,佢直接答:『係乜嘢嚟?』我哋需要花時間解釋畀佢哋聽。當最易傾到合作會係樓上鋪,因為旅客會較難搵到佢哋,同我哋合作,可以增加曝光率,對佢哋有較大吸引力。」




成為合作商戶後,可以管理平台內的店鋪訊息,如可自行挑選店鋪頭像、讓用戶直接在 app內訂位、可顯示商戶特色及推薦菜式等,讓用戶得到更多餐廳資訊。


Android/ iOS@大眾點評 以自身經歷 sell客

年紀輕輕的 Baron時常要接觸比自己年紀大的客人,他表示過往的經歷對見客有幫助,「大眾點評喺2、 3年前有喺香港推行過,當時推廣唔太順利。我會用之前開 cafe作為經營者嘅角度去說服商戶,我哋最大優勢係有大量內地旅客用戶,佢哋成為合作商戶後,可以管理 app內店鋪嘅顯示資料,例如地址、 menu、店鋪頭像等,仲可以回覆其他人嘅留言,做到 CS嘅效果,同時可推出電子現金券、促銷優惠等嚟吸引客人。」現時成為合作商戶的基本收費約$12,500起。
現時公司已發展至四十多名員工, Baron希望將 app的市場佔有率擴大,「嚟緊我哋擺放更多資源做宣傳,令更多市民認識大眾點評,增加本地用戶嘅使用人數,最終希望成為香港最多人使用嘅餐飲消費指南平台。」

聯商網 http://www.vbn.hk 



Chris
2 Decimal Placest創辦人
我哋間店開咗 1個月,想做宣傳,都想吸引內地旅客嚟幫襯。加入大眾點評後, Baron嘅跟進工作做得好足,有乜嘢唔明都好快幫我解決到。

點入行?

對有興趣成為內地市場推廣的人士, Baron表示對熟悉內地資訊會有優勢,「喺國內生活或讀過書會較好,會對內地嘅流行資訊有一定認識,同客人做 present會有更多例子作說明,肯主動學習新事物,對事業發展亦會有幫助。初入行做市場推廣助理,月薪約$9,000至$13,000。」現時身為聯商網市場經理 Baron,估計年薪加花紅約有 40萬。

撰文:曾志恒
攝影:陳浩然

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()