陸永同老婆 Reina去超市 shopping,其間仲齊齊選購零食俾兩個寶貝女。

同你吟一吟

拍住 Do姐賺到笑 陸永孖索妻超市掃貨

贊助商連結

「農夫」陸永同 C君出名口才叻兼轉數快,跟完 Do姐去 Shopping後更加成功入屋,接 job接到手軟,由當年「戶口跌到落雙位數」撈到而家豬籠入水,早個禮拜仲宣布年尾舉行演唱會,歌、影、視、主持瓣瓣掂!

搵到錢當然都要識得享受,娶咗個索老婆 Reina兼有兩個得意寶貝女嘅陸永,上年愈住愈豪,以月租三萬租咗幢三層高嘅將軍澳豪華村屋一家四口自住,一得閒就招呼班 friend飯聚開 P,《壹》仔就撞到陸永孖住老婆現身將軍澳超市入貨,買餸重任當然老婆話晒事,負責推購物車嘅陸永乖乖跟住行,趁老婆行開咗就即刻掃咗成車薯片,仲自動波排定隊唔使老婆等,陸永仲好識 do拎銀包埋單,搞掂由老婆做「柴可夫」齊齊返屋企共享天倫樂!




拍完 Do姐去 Shopping,陸永同 C君多 job到接唔停手。


娶咗個索老婆,仲有兩個寶貝女 Hannah同 Sim Sim,陸永家庭事業兩得意。


陸永去年以月租三萬搬去將軍澳三層高村屋,地方大咗,早前囡囡 Sim Sim四歲生日,陸永落手落腳布置屋企,為囡囡開 party。


作為一家之主嘅陸永「自動波」拎銀包埋單。

撰文︰八珍

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()