探熱針

一山不能藏二虎  Gin Lee  Aga 爭埋 Eason校長堆

贊助商連結

同屬環球,去年才合唱完《獨一無二》的 Gin Lee、 Aga,原來只係表面啱 key,實情兩人面和心不和,暗地鬥餐死,早前二人同時推出新歌, Aga更刻意搶閘早一星期派台《 3AM》,終於搶先攞晒音樂榜冠軍,知道 Gin Lee有校長點名狂讚, Aga亦搵經理人舒文搭路埋 Eason堆,經常以寫歌為由黐實 Eason!

同 Kary聯手

出道八年的 Gin Lee,近年多次出戰內地歌唱比賽,令知名度大增,一五年參加《中國之星》同許志安同場較量,被評判林憶蓮大讚唱功而獲肯定,一度就有指走勢凌厲的 Gin,威脅去年停工休養的吳雨霏。
不過,同樣唱得、去年同林德信傳緋聞的 Aga江海迦突然冒起, Hit歌《孤雛》備受好評, Aga亦因為曾幫吳雨霏寫歌而熟絡,與 Kary聯手抗 Gin,上週六吳雨霏到東莞舉行演唱會, Aga就成功被邀擔任嘉賓。
「知道 Gin有新歌《空姐》, Aga嗰邊為咗唔輸得,講明首歌《 3AM》要早過 Gin嗰首派台,卒之派早一星期,《 3AM》好快喺幾個音樂榜攞晒冠軍。」一名工作人員透露。
眼見 Gin Lee得校長疼錫,頻頻同校長跑內地巡迴, Aga亦藉經理人舒文關係,黐實 Eason!
「舒文幫 Eason唔少歌做監製,兩個本身就好 friend, Aga自然多咗機會黐埋 Eason度,成日會藉寫歌搵 Eason傾偈,打好關係。」知情者說。
得知環球已入紙幫 Gin Lee申請紅館檔期開騷, Aga亦繼續死跟。




Gin Lee多次擔任校長演唱會嘉賓。


即使同 Gin Lee同場, Aga(右)都想盡方法黐實 Eason。 要求開紅館騷

「喺紅館開騷可以話係每個歌手成功指標, Aga梗唔俾 Gin專美,一樣要環球幫佢做紅館騷!依家佢兩個都入晒紙申請,等緊紅館嗰邊批期!」
明年約滿的 Aga,近日與環球拉踞續約條件,亦係睇住 Gin Lee嚟打!
「 Aga嘅約明年就滿,環球見咁難先幫 Aga做到個勢,當然想佢留低,不過,舒文就咬住唔放,講明要環球幫 Aga揮多啲獎,更一定要多過 Gin,先至肯續約!」知情者說。

 




15年 Gin Lee出戰《中國之星》,同許志安鬥唱,獲憶蓮大讚唱功。


Prudence po與 Gin Lee合唱相片,錫到出面。


同林德信傳緋聞, Aga知名度上升。 搵靠山

Gin Lee及 Aga,因為同樣唱得而備受力捧,去年先合唱完《獨一無二》,暗地卻爭獎爭出面,更各自搵紅人做靠山。

撐 Gin Lee

譚詠麟
校長多次開聲讚 Gin Lee唱得,年初校長推出國語專輯《欣賞》,搵嚟 Gin Lee合唱《型人道》,校長的內地巡迴演唱會,更點名搵 Gin Lee做嘉賓。



劉美君
Prudence在網上平台接受訪問時,大讚新一輩女歌手 Gin Lee,「佢係一個實實在在好識唱歌嘅女歌手,唱歌無得頂,呢個就係我好欣賞佢嘅地方!」

撐 Aga

陳奕迅
Aga經理人舒文,不時幫 Eason監製歌曲, Eason亦以師兄身份,多次讚 Aga有實力, 14年就為 Aga的歌曲《一加一》演繹劇場版,去年 Aga為 Eason創作《一個[!FD60]魂的獨白》,不時孖住宣傳。



吳雨霏
Aga 13年加入環球,當時就為 Kary寫了一首《我願意》,自此 Kary亦力撐 Aga多過 Gin, Kary將復出舉行內地巡唱,就搵 Aga任演唱會嘉賓。

撰文、攝影:娛樂組 設計:喬伊力

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()