探熱針

前夫再婚 單身梁靖琪放下:我都想佢開心

贊助商連結

11年底,梁靖琪( Toby)與拍拖一年的闊少黃敏豪( Aaron)結婚,當上黃太僅年半,於 13年因與好友吳卓羲在三亞一幕「鴛鴦戲水」出事,未幾與老公分居, 14年正式離婚。一直對婚變保持緘默的 Toby,近日接受本刊訪問時透露前夫已再婚。反之她花了幾年時間調整自己,才學懂放低這段婚姻,在最難過的幾年,幸得好姊妹及家人不離不棄。

 



Toby與 Aaron的婚姻只維持年半,離婚後二人沒有聯絡。

當年在三亞拍攝《衝上雲霄》外景時, Toby與吳卓羲及一班工作人員在泳池玩,被傳媒拍下及大肆報導。
健身救咗我
眼前的 Toby身形比以前好、狀態甚佳,想不到她婚變後陷入低谷,全靠健身讓她振作。她一再強調:「健身真係救咗我,健康啲、開心啲、瞓得好啲,救咗我!」
Toby表示跟前夫沒有聯絡,「佢好似結咗婚,不過我都想佢開心!淨係我哋兩個知道發生咗啲咩事,嗰幾年自己學識好多嘢。」

近年 Toby愛上健身,還指健身帶給她正能量,捱過婚變一關。
個個都有錯
婚變一役,對她重創,經過幾年才釋懷。「我需要一段時間(放低段婚姻),有時 flash back(回想)有啲嘢都係放唔低,但係有啲回憶係好嘅。個個人都有錯,我覺得錯吓係好㗎,你會知道咩係啱咩係錯,咩人適合你,有邊啲係真正交心嘅朋友。」
四年來,她一直檢視自己。「我覺得經歷每一段感情,你會更懂得自己需要啲乜嘢,但好多嘢冇得強求,我冇話好後悔發生過啲乜嘢事。好多嘢冇得去賴,冇得去怪任何人,盡量避免到嘅嘢要去避免。學識一樣嘢係檢點,咁多年嚟我都學緊嘅一樣嘢。人大咗,真係改變咗,同男性嘅關係,係唔係要小心啲?有個距離嘅?」

喜歡小朋友的 Toby,常照顧幾個姨甥仔女,還透露如果 40歲前未有另一半,會到美國借種生 B。

愛情來得快、去得快, Toby與前夫 Aaron拍拖一年閃婚,最後離婚收場。

入行 14年, Toby最開心認識一班好姊妹,陪她走過人生低潮。

34歲的 Toby,慶幸自己有家人的支持,令她成長得更快。

學懂檢點
當年 Toby與吳卓羲在三亞拍《衝上雲霄》,鴛鴦戲水被大肆報導,現在跟他還有聯絡嗎?她說:「見到面會 hello咁樣囉,其實卓羲、山聰、鴻仔,全部阿哥嚟,熟悉我嘅人都知我係咩人,我唔可以話因為自己喺外國長大,我有外國人嘅性格,我諗大家聽到都會唔舒服,令到人唔舒服,我自己去檢討吓。」那篇報導對 Toby造成傷害,至今仍歷歷在目,「朋友幫咗我好多,嗰段時間係朋友同我去得最多旅行嘅時候,屋企人嘅陪伴,過程中學識處理某啲事,因為有啲傷害性嘅說話,我到呢一刻都冇忘記到。」

失婚 Toby話看過鍾麗緹的一個訪問,談及經歷兩段婚姻失敗,仍不放棄愛情,追求幸福。覺得自己跟她的信念相同,並期待更成熟的自己。

 

去年拍的網上版《無間道》,將安排今年於大台播出,令人期待。

既做幕前, Toby也是婚禮統籌及婚紗店的老闆,甚有生意頭腦。

04年她以唱歌女子組合「女生宿舍」出道,組員有今日成為孫耀威老婆的陳美詩。
健身教練非男友
早前 Toby多次被影到身邊有個健身教練男友,但她斬釘截鐵說:「冇男朋友,我哋真係好好朋友,個個健身嘅都係我男朋友咩?我依家單身。」失婚後 Toby不乏追求者,不過未遇上真命天子,「依家知道自己需要啲咩,慢慢嚟。」

迷上健身的她計劃明年參選健美小姐選舉,令人難以想像。(設計圖片)

近年她練得一身靚線條。

V02 Fitness已成為 Toby第二個家,幾乎每日都會去健身,教練 Sky都讚她狀態勇。

九月要開新劇,劇中她要打泰拳及講泰文,所以近日頻頻找教練 Kelvin苦練。

Toby多次被拍到與健身教練友人一起,但她堅決否認拍拖,更表明自己仍是單身。
參選健美小姐
這幾年,健身為 Toby帶來正能量,她更計劃明年參選健美小姐。「如果要參賽,啲線條要好出、好爆。一日食七、八餐,我唔知我食唔食到,乜都試吓啦!睇吓我下年個身形可以去到邊,我又唔會夾硬逼自己嘅。」
撰文、攝影、攝錄:娛樂組
化妝:江中平化妝室
髮型: Michael Lam@ BEJING Hair Culture
服裝提供: Aumnie
場地提供: VO 2 Fitness& Martial Arts、 BEJING Hair Culture@ cwb

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()