李璨琛晒廿年「排骨肌」

贊助商連結

李璨琛(Sam)廿年前憑電影《香港製造》入行,今年香港回歸二十周年,呢套戲早排經數碼復修後,再度重新上映。導演陳果早排接受訪問,重提當年點解會發掘Sam入行;原來,當初佢好似「星探」咁周圍搵人演呢個「死o靚仔」角色,最終喺街頭踩板集中地遇上阿Sam,初初見佢成身排骨,但望真啲排骨得嚟有肌肉,有肌肉得嚟又唔係刻意操練嗰種大隻,於是一眼就覺得阿Sam係佢要搵嘅人,就係咁,阿Sam廿年前因為一副「排骨肌」而登上大銀幕喇!

東姑早排喺北角撞到阿Sam,同埋佢位時裝設計師老婆阿Pae,恩愛去茶餐廳開餐。大熱天時,兩公婆都着得好涼爽,四眼嘅李太着咗一條紅色one piece背心裙,而Sam亦係背心、短褲、踢晒拖咁。佢除露出手腳嘅紋身外,仲畀東姑見識到,陳果導演對佢讚不絕口嘅「排骨肌」。相對廿年前,阿Sam依家已經冇以前咁slim,但係「排骨肌」仲係廿年如一日keep到,真係難得。

而更加難得嘅係,阿Sam同老婆結婚五年,依舊恩愛,嗰日,佢仲好體貼咁扶老婆過馬路,睇得出係個「愛妻號」。

廿年前,阿Sam就係因為擁有一副「排骨肌」而畀導演陳果睇中,邀拍電影《香港製造》而入行。

 

阿Sam揸車載老婆Pae去北角開餐,兩公婆都着得隨便,一副街坊look。

 

阿Sam廿年如一日,keep到佢嗰副獨有嘅「排骨肌」;不過,最吸引途人眼球嘅,就係佢手腳嘅紋身。

 

結婚五年嘅阿Sam,過馬路時扶住老婆,體貼又窩心!

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()