陳琪落力散飛

贊助商連結

現年四十二歲嘅陳琪,同細佢兩年嘅老公胡諾言結婚七年,生咗兩個分別七歲同四歲嘅囡囡。兩年前,佢曾經流產,仲差啲要切除子宮保命,最後保住咗子宮,上年十月更順利生咗囝囝胡澔錕,最開心一定係恨仔恨到發燒嘅胡諾言啦!

入咗行廿年嘅胡諾言,喺演藝事業上,咁多年嚟都係平平穩穩。不過早前,佢除咗忙拍兩套劇集《天命》同埋《特技人》之餘,仲畀陳志雲睇中,邀請一齊做舞台劇《雷雨對日出》,確實係機會難得。東姑收到風,陳琪為咗幫老公套舞台劇散飛,認真係仆心仆命,搵咗好多姨媽姑姐一齊買飛捧場。日前,東姑喺場外就見到陳琪交飛畀啲朋友嘅情況,當日天氣又焗又熱,佢企喺門口猛咁打電話,等咗成十五分鐘啲friend先至到。為咗老公,陳琪可謂盡心盡力,呢個老婆真係抵錫!

場外冇冷氣,又焗又熱,陳琪猛打電話畀朋友,又冇人聽,真係熱到妝都溶埋。

 

等咗成十五分鐘,一班朋友仔終於到嘞,陳琪火速將手上嘅飛交畀佢哋。

 

胡諾言喺〇二年曾經做過《西關風情》嘅舞台劇,今次又畀陳志雲睇中,邀請一齊做改編自已故著名作家曹禺嘅作品《雷雨對日出》。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()