方力申搵人仔至上

贊助商連結

近年好多歌手都開拓內地嘅娛樂事業,成日北上接job,尤其係去酒吧登台。不過,當地夜場龍蛇混雜,場面亂起上嚟,真係好鬼危險;就好似幾年前,梁漢文喺恩平市嘅酒吧登台,就試過遇襲,真係令到好多歌手膽戰心驚。

其實,方力申(小方)喺一〇年去江門市酒吧登台,都試過有酒鬼搞事,喺演唱時,突然有人擲樽,之後仲有狂迷乘機衝上台突襲小方,場面混亂,好彩即時有防暴警察到場,鎮壓班滋事分子。當時嚇到面青嘅小方,即時以九秒九跳上車返香港。

之但係,人仔咁好賺,邊有人會嫌錢腥呀?東姑就發現,被老竇踢爆身家過億嘅小方,繼續鋌而走險,今次佢就去咗佛山嘅一間酒吧登台。而見過鬼怕黑嘅小方,不時神色慌張,即使大會安排咗多名帶住頭盔嘅保安,嚴陣以待,但係佢都好緊張,唱完三首歌就急急鬆人!

等緊上台嘅小方,粒聲都唔出,又冇乜表情,神色好似有啲慌張。

 

開始演唱時,酒吧人頭湧湧,而粉絲們個個攞住支螢光棒猛揈之餘,仲撲上台前想同小方握手。

 

大會安排咗多名帶住頭盔嘅保安,貼身保護小方。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()