So Comment

訂半年先食到 澳門人氣海鮮自助餐  MEZZA 9(甲-)

贊助商連結

暑假去邊?
澳門當然係一個好選擇,嘢又平又好食,澳門喺保育工夫亦做得非常好。住酒店相當貴,船飛都貴,可以吼吓有冇平 package或者來個 day trip。
自葡京的「自助山」搬咗去香港合和中心,而家澳門 buffet大熱點係 Mezza 9,要預訂半年!香港 Grand Hyatt Buffet了得,所以我都要去八吓澳門的。

$$

星期一至四澳門幣$499
五至日澳門幣$599
*6歲至 12歲小童半價




師傅話每日預備這個海鮮檔都要幾萬蚊!


這缸全部係新鮮龍蝦 與廚共饗……

在生果 section,先來杯鮮榨橙汁,橙唔夠舊,酸咗啲。沙律菜……放的地方唔好,選擇亦唔多,好似凍海鮮一樣,完全唔吸引。咁啱嘅,人哋都話「與廚共饗」,主要係全部即叫即炒,即燒,即焗……
最吸引大家係「海鮮」!

蝦篇

 




我哋叫了白灼「羅氏」蝦。朋友中有個蝦精,食完一碟又一碟,好開心。蝦非常新鮮,彈牙的。再來一碟美極蝦,好食。


龍蝦篇

 




芝士焗龍蝦朋友說好食。


上湯龍蝦好味


BBQ龍蝦嘩!啲膏好香好正!不過肉就老咗啲。 蟹篇

 




薑葱炒蟹好味道。


炒辣蟹,好。 肉篇菜甜

 




清蒸鮑魚OK啦。


豉椒炒蜆可以不理。


燒魷魚鬚未夠熟,應該燒得夠香,可以好好食的。不過我喜歡佢哋淨係魷魚鬚,最好食那部分。


椒鹽魷魚鬚乾過我荷包。


我不喜歡黃花魚,啲肉好「削」。 肉篇

 




任選都選唔落手。


只選了「燒雞翼,自細鍾意食……」 not bad!


Wagon係燒西冷,亦係叫唔落手,顏色又燒得唔靚,肉質亦唔見好。 菜

 




非常多選擇亦有比較特別嘅菜,如火龍果花、龍鬚菜、茭白、秋葵、有機涼瓜、有機雲南小瓜、番薯葉、有機白矮瓜……全部即叫即炒。


甜品


有日本軟雪糕,好甜!雪條……薑汁梳乎厘,唔錯。

 

最特別

1965年,人生第一次去中環希爾頓酒店內的 Espresso(相信亦係香港第一個自助餐)直至今年,食過無數自助餐,從未見過 Buffet有 Raclette食。




有嚿芝士( raclette)夾實,放入燈內燒溶。


師傅用刀刮了頂層燒溶及微燶部分(師傅本來㓟掉那些硬邊,我從瑞士學到軟溶芝士,再加上一些硬邊,有咬口,好!特別好食!)師傅亦照跟瑞士佬那做法,學得快!


一定要趁熱食,不然芝士會變番硬,食時不要飲凍飲,肚會唔舒服的。 總括

五、六百蚊有咁多選擇,咁嘅水準,超抵食。海鮮無敵、菜無敵、 Raclette超級無敵,如果扒、肉類及沙律有香港 Grand Hyatt那麼好,就天下無敵!大家止吓咳,絕對可以去香港 Grand Hyatt Coffee食吓佢嘅 buffet。 Prime rib超級無敵、海南雞無敵,煎鵝肝無敵。

地址:氹仔澳門君悅酒店 3樓
電話: 853-8868-1920



蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。

攝影:蘇施黃

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()