人頭湧湧,李嘉欣同家姐 keep住雞啄唔斷。

同你吟一吟

我真係恭喜你 李嘉欣兩姊妹都嫁得好

贊助商連結

大美人李嘉欣同家姐李嘉明姊妹情深就係人都知㗎啦,兩姊妹又有咁啱得咁蹺咁分別嫁咗個億萬身家嘅有米老公,兩姊妹都嫁得咁好,絕對係唔使憂,學嘉欣話齋:「我真係恭喜你呀!」

早幾日,兩位媽咪趁小朋友返咗學,即爭取時間約喺中環見面行街,唔知佢哋係夾埋,定係姊妹之間嘅心靈感應啦,一個著黑一個著白,直頭黑白雙煞咁行孖咇,準備大殺各大名店!可惜二人兜咗幾個圈都冇乜斬獲,見行到攰攰哋就轉戰附近咖啡店慢慢吹,其實佢哋平日都成日見面,但係都有傾唔完嘅話題,雞啄唔斷咁,最後傾到小朋友差唔多放學時間先各自施施然上七人車離開。




約埋行街 high tea,黑白配打扮襯到絕,兩姊妹有幾 close,唔使多講!


兩位闊太唔去酒店 high tea,反而同班 OL排隊逼買咖啡。


12年李嘉明同十億眼鏡大王顏毅勇奉子成婚,全賴李嘉欣穿針引線。

撰文:八珍
攝影、攝錄:李溢敏、余一駱、楊紫、瀚鍾、蕭敬漁

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()