松哥平日斯斯文文,原來食相都幾 wild。

同你吟一吟

男人的浪漫 劉松仁單拖歎麥記

贊助商連結

要數圈中孝順仔女,松哥劉松仁定必是三甲之列,劉媽媽仍在生嘅時候,松哥經常十指緊扣同劉媽媽行街,八珍以前成日都影到!

呢日六時半,松哥一支公去到昔日兩母子周不時下午 tea嘅麥記開餐,咪睇佢今年 60有 7,又長時間在內地拍劇,對於香港的種種行情依然瞭如指掌,好似快餐店設有自助點餐服務,松哥決定膽粗粗一試,對住個大芒慢慢研究,篤完又篤,搞足成個字,得咗,然後企埋一邊慢慢等。
晚飯時間,快餐店人來人往,但冇食客𥄫到松哥的蹤影,他眼明手快 mark到張單人枱開餐。一人前的晚餐全靠 iPhone作伴,散發陣陣落寞。不消廿分鐘,當事人已搞掂離開,相比起昔日同劉媽媽開餐一臉幸福、滿足,形成強烈對比。




用電腦點餐,點都比行埋櫃枱麻煩,但松哥無有怕,堅持一試。


老婆是空姐,長期不在港,松哥同不少香港人一樣愛靠 iPhone作伴。


劉媽媽今年初離世,劉松仁至今仍不時在微博撰文思念母親。

撰文:八珍
攝影、攝錄:李溢敏、余一駱、楊紫、瀚鍾、蕭敬漁

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()