獨愛有錢人的松岡,俾洗米華一攬聲價十倍,頻頻出招力證自己的新寵地位。

探熱針

洗米華漏夜飛英國氹 Mandy 松岡李那自爆男朋友首要條件要: Rich!

贊助商連結

一個夏威夷婚禮,一段同太陽娛樂揸 fit人洗米華(周焯華)的辣身舞片段,令事業失意敗走香港的日模松岡李那再度成為新聞人物,由忽然富貴到成為洗米華新寵,緊接私人 fb留言自命清高,拍拖只為愛情,唔係為錢,一連串頭條新聞,時間夾到你唔信。
最抵死的是一年前接受森美訪問時,松岡講明拍拖要搵有錢人,分明自打嘴巴。
至於辣身舞的男主角洗米華,上星期五( 16/6)晚急飛英國向 Mandy補鑊,兼且同 Mandy及兩個小朋友慶祝父親節。

飛倫敦補鑊


同松岡的辣身舞片段流出後,洗米華上星期五急飛英國搵 Mandy補鑊,與一對仔女慶祝父親節。

本月初台灣藝人安以軒於夏威夷舉行婚禮,與新郎哥分屬好兄弟的洗米華原定單拖出席,最終臨時一變二,身邊多個女伴——曾經在香港發展的日模松岡李那,兩人在婚宴上的辣身舞片段網上流出,松岡積極發功,力證自己的新歡地位,有報導指 Mandy嬲爆,但實情是洗米華自知玩大咗,事件曝光後,洗米華在上星期五漏夜乘搭 CX 251,急急飛往倫敦搵 Mandy補鑊,還將原定的工作往後延,同 Mandy以及一對仔女過埋父親節才離開。

積極出招

現身三十一歲的松岡來勢洶洶,搭上洗米華後,傳獲對方關照,以「天價」三百萬做旗下賭網的代言人,之後又有消息指她獲洗米華安排私人飛機代步,於九月飛歐、美出席時裝周,屆時洗米華更會一齊飛埋過去,外間普遍認為松岡貪錢俾人包養,當事人更委屈在私人 fb留言:「點解我會變咗一個貪錢嘅人,點解你哋講到我好似俾人包咁嘅呢?」仲言之鑿鑿話:「我從來唔會因為錢而搵男朋友,只會因愛情去愛一個人。」這個有骨氣的留言,上載不夠一小時便被刪除了,箇中原因耐人尋味!




去年松岡接受《公子會》訪問,松岡坦白承認獨愛有錢人,被主持人之一的森美指貪威識食。


本月初松岡與洗米華一齊在夏威夷一個朋友婚禮出現,加上一條跳舞片,令到兩人迅速扯上關係。





洗米華與松岡幾年前於太陽城活動上認識。


松岡經常扮上等人,不時在社交網站 po遊艇 P、坐轎車等生活照炫富。


本性貪錢

的確自命愛情至上的松岡,一六年接受森美電台訪問時,談擇偶條件,她表示另一半只要是亞洲人便可,高大、靚仔都是次要,更非常坦白講:「 I live in real life(我份人好實在),男朋友要 rich(有錢),真嘅,因為我要好多 makeup(化妝品)、 clothes(衫)、 hair(髮型) and need a big house(要住大屋)……」
自知擇偶條件同金絲雀被人包養無分別,於是後兜話有才華都是擇偶另一大要素,森美打蛇隨棍上再問如果兩個都有才華的,但係一個搵錢叻,一個音樂好叻,會揀邊一個?松岡衝口而出答:「 Money!」仲順勢講埋未來老公一定要對自己做的事,「 he always say I'm pretty(成日讚我靚), always look at me(雙眼只有我)…… I born the baby, I always the No.1(生完 B,我依然是頭寵), and rich and rich(有錢、有錢)…… he bring me always going to the trip in the world(佢帶我環遊世界)。」
松岡講擇偶條件完全離不開一個字:錢,難怪森美都忍不住揶揄她「貪威識食」,她求包養心切,難怪她遇到洗米華就咬住唔放,擺明唔放洗米嫂 Heidi同 Mandy在眼內。




去年底為洗米華生咗慈姑椗的 Mandy,長居英國專心湊小朋友。


以往 Mandy經常陪洗米華出埠傾生意。


Heidi本月初與洗米華合體出席繼子周柏豪的新 app發布會,但松岡事件發生後, Heidi與細女到台灣散心。


來港七年,男朋友氹氹轉,同林德信的一段情一直未被對方肯定。 機會主義者

10年,由日本來港發展的松岡李那,好識把握機會搏宣傳,雖然未正式釣到金龜,但所有過氣男友,包括星二代林德信、電台 DJ葉文輝等,全部都有名有姓,對她於香港事業發展有一定幫助。

三次遭非禮
早年,於活動上自爆先後被非禮過三次,在日本的火車上被癡漢偷拍裙底,十七歲搭車又被色狼伸手入裙內摸屁股,松岡李那表示當年只衝去廁所嚎哭,唔敢俾父母知道。

比堅尼相被盜用
今年初,松岡李那發現早年的比堅尼宣傳照被人非法在灣仔酒吧周街貼做宣傳,松岡李那大事宣揚,指對方冇俾錢佢,但盜用其肖像,即發警告信兼請律師追討賠償。

《美人魚》用英文面試
14年,周星馳為電影《美人魚》高調進行網上招募,松岡李那施展渾身解數,熱舞拋胸,又用英文去試鏡試劇,揚言不介意做丑角,有角色就可以,結果在 11萬人海戰中撈到一個閒角角色,成功跳上大銀幕。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()