肥媽在《關你家事》節目中爆曾受家暴,講到聲淚俱下。

探熱針

又係《關你家事》 肥媽爆遭家暴:佢攞住把刀對我

贊助商連結

由麥長青(麥包)與江美儀主持,下週才出街的大台新節目《關你家事》,因為以黃宇詩男友彭慶餘( Peter)的前妻現身節目爆料作招徠,未播先轟動。
近日在《關你家事》的宣傳片段,做嘉賓的肥媽聲淚俱下說:「見到啲細路遭家暴,又做唔到啲咩,真係好心痛。」原來大件頭,霸氣十足的肥媽,曾是家暴的主角,真係估佢唔到!

十八歲嫁前夫

在節目重提年輕時曾受家暴,六名子女也是受害者,啞忍多年,肥媽才帶着子女離開惶恐生活。
當年只有十八歲的肥媽,下嫁比她年長廿二歲,任酒廊琴師的丈夫,辦婚宴的五百元也由肥媽出錢外,婚後一年老公更失業,從此家庭重擔落在她身上,為養活一家八口(六名子女中,四名是前夫與他前妻所生),她做過多份苦工,但第一任老公竟然冇愧疚,還經常向她動粗。
對於在節目提及一段如傷口的經歷,本週一(五月二十九日)肥媽回應:「我原本唔係好想提,始終仔女唔想再聽番,只係當日節目講開呢個話題,我突然好衝動咁講咗出嚟,係想話俾受家暴嘅人知,唔好忍,打得一次就有第二次。」




麥包同江美儀主持的《關你家事》,因為嘉賓的話題,搞到節目未出街先轟動。


一直否認是小三的黃宇詩(左),近日被男友彭慶餘的前妻陳小姐(右)上節目爆家變另一版本,剖白第三者帶來的傷痛,成為節目內容的賣點。





十八歲便下嫁前夫的肥媽,婚姻生活飽受身心傷害,加上當時未有保護受家暴的求助團體,肥媽啞忍多年。


當年肥媽帶住六個子女離開暴力家庭,如今與第二任丈夫、子女,及十三個孫過着天倫樂。


第二春覓幸福 脫離前夫魔掌的肥媽, 99年再嫁第二任丈夫,當環保工程師的 Rick,從此婚姻美滿。 兜巴摑兼搶糧

被打的日子,對方甚至拿刀威嚇她。「打到攞刀仔,你諗唔到嘅方法都有。好在我大隻,擋甩咗把刀,但就俾佢兜巴兜巴咁摑埋嚟,好心傷,對啲細路都影響好大,因為佢連仔女都打埋。」
回想,她說對方的暴力源於操控。「佢要嚇我哋,因為佢唔做嘢,我就愈來愈多範疇(八十年代,肥媽做酒廊歌手,一晚走幾場,高峰期月入兩萬元),佢要控制我,每月出糧,連糧袋都俾埋佢,但佢次次未到月尾就使晒。後來啲仔女叫我 keep番啲錢,仲陪我開第一個戶口。」




過往肥媽提及前夫,都只講對方出軌包二奶。她與林雅詩齊齊在《關》節目中,就家暴話題講到好激動。


13年患過子宮腫瘤,大步𨂾過的肥媽,近年同第二任老公經常周遊列國歎世界,她曾在訪問中以「極差與極好」形容兩段婚姻的差別。


對住拍檔陸浩明永遠霸氣逼人,沒想到肥媽竟然面對家暴相當軟弱。 肥媽:佢要操控我

當年已經貫徹《食平 D》的肥媽,家用主權落番自己手上,幾年後便儲到首期做業主,但家暴情況變本加厲。「儲夠錢買金獅花園兩個單位,當時五萬左右已經包首期連律師費,但佢打我變本加厲,因為一來再冇錢佢過手,二來覺得我有毛有翼,要控制我哋。」
鏡頭前永遠霸氣逼人,但當年面對家暴,肥媽相當軟弱。「成日怕離婚頭家會散,見阿媽永遠長袖衫褲,唔想俾我知周身瘀傷,好女兩頭瞞。後來我啲仔女忍冇可忍,同我坐低傾,話再跟住呢個男人冇前途,於是我的起心肝離婚,帶埋佢哋走。家暴對一個女人嚟講,除皮肉,心靈創傷真係好難修補,我都唔識點講。所以離婚多年,我都唔敢拍拖,怕個個男人都係咁,直至遇到依家個老公(九九年下嫁第二任丈夫 Rick),我先有番幸福。」




搞緊離婚的林雅詩,雖與現任男友馬天樂(右圖)經常放閃,但在節目講到傷痛婚姻,及與前夫(左下圖)爭十歲兒子撫養權時就爆喊。為了兒子,林雅詩不惜變賣首飾、家當套現,同前夫打官司。





15年林雅詩老公溫文英被拍到與另一人妻啜爆街頭,受打擊的林雅詩決心離婚。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()