張兆輝精靈「大眼」

贊助商連結

張兆輝喺無綫劇集《全職沒女》中,由於外形keep得好,加上演技出眾,所以畀班網友激讚睇得又演得。日前套劇終於大結局,有指最後嗰幕,其實留低伏線開續集,張兆輝對此就話如果開得成,希望可以原班人馬上陣,益吓大家。

而大結局飯局當晚,東姑就留意到佢戴咗俗稱「大眼仔」嘅有色放大隱形眼鏡,瞳孔望落去既大且圓,更具光澤,即時回春。東姑翻查歷史,查實張兆輝戴咗大眼仔已有一段日子,身為美容院老闆嘅佢,原來唔單只識靠戒口同做運動養生,更識追上潮流,戴埋副con,型得有道理。

早前,張兆輝出席《沒》宣傳活動時,戴咗有放大效果嘅有色隱形眼鏡,唔怪得之,雙眼望落去咁精靈啦。

 

日前,張兆輝現身《沒》劇大結局飯局時,同樣戴咗「大眼仔」,似乎對呢副回春武器情有獨鍾。

 

時下唔少女星都愛戴有色隱形眼鏡,亦有唔少年輕男星會配戴,估唔到五十有四嘅張兆輝都戴上癮。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()