鍾氏姊妹開檔生意淡薄

贊助商連結

鍾舒漫(Sherman)、鍾舒祺(Sukie) 呢對親姊妹花,早輪喺青衣戲棚搞咗一個賣飲品嘅檔位。雖然檔位只係喺墟期短做幾日,但係佢哋都好瞓身落力。

日前,東姑都去咗趁墟,仲特別走去鍾氏姊妹花嘅攤檔,睇下佢哋嘅生意情況。東姑離遠已經見到佢哋放大自己個樣做海報,掛喺當眼處做生招牌;而且,佢哋仲由朝企到晚,親身落手落腳做埋一份,由整嘢飲、收錢、執嘢、搬嘢,全部一腳踢,難怪天氣咁熱,做到身水身汗,要猛飲水兼撥涼,都算好捱得喇!

可惜,鍾氏姊妹花賣嘅一杯特飲要成四十蚊杯,東姑都嫌貴咗啲,所以,見佢哋檔嘢幫襯嘅客唔係咁多。反而,純粹要求同佢哋影相「運桔」嘅人就唔少;不過,佢哋都好nice,一概無任歡迎任影唔嬲,仲喺檔口度騰出騰入花姿招展咁,心情似乎幾雀躍下。就算生意淡薄,總算自得其樂,賺蝕似乎唔太在意喇!

Sherman同Suki呢對鍾氏姊妹花,喺青衣戲棚擺攤檔賣嘢飲,兩女仲親自落場一腳踢添。

 

鍾氏姊妹花嘅攤檔,棟咗佢哋嘅個人肖像相做生招牌,希望利用明星效應拉生意。

 

有唔少人經過見到Sherman,都搵佢影合照,而佢都無任歡迎。

 

飲品檔真係幫襯嘅客人唔多,反而「運桔」齋影相嘅就唔少。

 

平時,Suki同家姐都好落力做,會落手落腳整嘢飲,其他搬貨、清潔都照做。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()