陳凱琳老竇諗計消磨時間

贊助商連結

陳凱琳(Grace)爸爸陳桂祥,家底豐厚,有傳佢手上坐擁過億物業,有樓又有舖收租,所以一早退咗休享清福。而陳爸爸原來仲好有才華,早排Grace就喺社交網,大晒由爸爸親自為佢操刀影嘅寫真靚相,影到佢充滿「女神」feel,質素之高,連網友都大讚陳爸爸嘅攝影技術超晒班。

早排,東姑又喺陳凱琳與家人同住嘅九龍塘獨立屋附近,遇着陳爸爸,見佢一身運動衫、波鞋,孭住個背囊,衣着好樸素。當行過屋企前,見佢奇奇怪怪咁過門不入,走咗去對面馬路,擔高個頭眼望望,唔知係咪忽然有啲藝術靈感到,抑或睇下自己間屋,有乜唔妥當,打算搞搞佢、執靚佢呢?退休人士冇事忙,通常搵啲嘢畀自己做下過日辰,懷疑Grace呢排忙住同鄭嘉穎拍拖,冷落咗陳爸爸,搞到佢要自己搵啲搞作消磨吓時間。

陳爸爸唔知係咪忽然靈感到,諗到新搞作?離遠望住自己間屋頭岳岳。

 

陳爸爸一身運動裝,冇仔女陪喺身邊形單影隻,有啲寂寞老人feel。

 

 

 

早排,Grace就喺社交網,大晒由爸爸親自為佢操刀影嘅寫真靚相,影到佢充滿「女神」feel。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()