訪港75小時 爆孔劉冧港女5招

贊助商連結

因為《鬼怪》又好,《屍殺列車》都好,韓國最當紅男神孔劉,於上周四至日(4至7日)襲港,舉行粉絲見面會,點計都係城中盛事啦!

見面會雖然萬人空巷,但孔劉見慣大場面,一早袋定五式絕技,大打親民牌,將女粉絲冧得貼貼服服,easy job!喺旋風式訪港嘅75小時中,孔劉更不時捐窿捐罅,四出體驗香港文化,仲約埋老友孔孝真出巡歎粵菜。《東周刊》全程緊貼追蹤,「男神」一舉一動,無所遁形。

憑《鬼怪》爆紅、兼榮升出爐「百想視帝」嘅男神孔劉,為上周六嘅粉絲見面會來港,留足75小時不特止,仲以五招冧盡港女,比佢身上呢套粉紅西裝更醒神。

 

第1招 露骨言論
估唔到平時斯文淡定嘅孔劉,喺活動上講講吓游水,竟提到「粉絲鍾意睇我唔着衫」,再派多個飛吻,暈未?

 

脫衣自白

孔劉嘅記招同見面會,分別喺上周五、六(5、6日)舉行,但佢喺周三(3日)拎完「百想視帝」獎項後一日,下晝兩點半左右已經現身香港機場,提早見粉絲。

咁早嚟做準備,孔劉喺活動上,除咗講廣東話打招呼、玩遊戲、同粉絲互訴心聲等指定動作,原來仲帶定五式絕招,向港女大展暖男同成熟魅力。其中部份招式,包括開金口唱歌、貼身攬攬粉絲、甚至對一眾「孔太」特別要求照單全收等,招招萬試萬靈。

最估唔到係,佢此行發表咗唔少挑逗性言論,好似喺見面會上,自爆「我知啲粉絲鍾意我唔着衫!」而早喺記招上,孔劉已經透露想挑戰翻拍梁朝偉嘅《色,戒》:「裸戲我OKo架!」雖然今次無真係剝,但係講得咁白,一班港女齋諗都流晒鼻血!

第2招 o氹掂Do姐
身為見面會客席主持嘅Do姐,稱得上係港女首席代表,孔劉連佢都o氹得掂,合照時攬實都無托手踭,仲有邊個頂得住佢嘅魅力?

 

第3招 冧唱情歌
平時孔劉做戲最叻,佢呢晚居然連環展歌喉大唱韓文歌,包括《鬼怪》插曲之一〈Beautiful〉,唱到興起,仲衝埋落台同粉絲握手添。

 

第5招 騷後賣萌
開完騷之後仲補多一招,孔劉透過經理人公司,發布後台嘅數張賣萌照,答謝粉絲光臨,梗係冧上加冧。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()