林家棟長情揸舊Benz

贊助商連結

林家棟勇奪今屆香港電影「金像獎」嘅最佳男主角,不過就慘慘豬畀人話佢係「最燶影帝」,皆因話佢冇樓、冇錢、又冇女,名副其實「三無」。

睇番資料,佢入咗行三十年,但手上連樓都冇一層,o依家仲係喺九龍塘廣播道租屋住,都咪話唔坎坷。如果佢肯穩穩陣陣喺無綫拍劇,相信佢會安定啲,偏偏佢對電影有抱負,當年寧願放棄喺電視台做一哥,入影壇由低捱過。

東姑嗰日巧遇出爐影帝,發現家棟竟然仲揸住嗰架車齡超過十六年嘅金色舊Benz,雖然佢其實仲擁有另一架七人車代步,但係長情又節儉嘅佢,始終唔放棄呢架「錢七」仲成日揸出揸入,真係難怪啲人覺得佢燶囉!

而嗰日,東姑仲見佢去咗西灣河一間餐廳,同一大班人似係開會傾公事,傾到極之忘我咁款。睇嚟,佢又密鑼緊鼓計劃緊新嘅電影大project,所以話佢對電影嘅熱誠,真係好值得人欽敬!

家棟對佢架車齡十六年嘅舊Benz不離不棄, 時至今日仲有揸住出入。

 

當年Benz新車落地,車價約五十萬,

 

喺影壇捱咗多年嘅林家棟,終於憑《樹大招風》勇奪今屆「金像獎」嘅影帝殊榮。

 

其實,家棟仲有架買咗三年嘅七人車,車價約六十萬,佢平日都係用呢架車出入居多。

 

家棟約咗一大班人喺西灣河一間餐廳,似係開會傾公事,可能遲啲又有電影大project。

 

家棟認真大忙人,就算坐低傾緊嘢,都不停走出走入講電話。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()