115磅

探熱針

周家蔚車呔皮焗減 20磅 洪天明搵代母幫索老婆生女

贊助商連結

前年生細仔竟琋( JT),三年抱兩的周家蔚早前雙管齊下狂做運動減食,終於目標達到,體重由 137磅回落至 115磅,更憑一副索 body成為代言人,變靚後不單財源滾滾來,更被老公洪天明大讚又靚又弗。老婆減磅成功,想追女的洪天明提議搵代母搞掂。

細仔做單手掌上壓

周家蔚懷第二胎時未見脹爆,反而坐月食得好變肥媽,不過近日狂做運動兼改變飲食習慣,終於回到未佗 B前的索家蔚。
「我份人冇乜推動力,但一有嘢做,就有好強自制能力。以往每朝起身,我會同兩個仔玩,大仔返下晝班,同佢食完飯就送佢返學。但早排一起身就做運動,兩個仔見我咁勤力都跟住做,細仔啱啱識講嘢,都成日話要做 exercise,仲做單手掌上壓。」周家蔚說。
孭住車呔皮物料造的肚箍,每日集中狂做兩粒鐘運動,大量燒脂出汗,瞓覺時又會包住手臂,令肌肉紮實,日日做無偷懶。
周家蔚更有自己一套減肥飲食法,她說:「一開始減肥就食無味嘢,連奶奶都話我好犀利,無味食物都可以一餐。我有個秘訣,就係唔可以俾自己餓,唔可以俾自己飽,冇飽同冇餓感覺,新陳代謝會快好多,如果試過好餓,身體就會自動儲定一啲 fat(脂肪),冇嘢食時 burn走。過飽,撐到個胃大咗,吸收能力唔好,新陳代謝又會變慢,消化差都影響身體機能。」




137磅5呎 5吋高的周家蔚,生完第二胎後,未有積極修身,一身黑依然難掩肥肉。


每日做兩粒鐘運動,就連細仔都跟住做單手掌上壓,勤力媽咪好有感染力。


周家蔚在 IG介紹過用車呔皮紮肚減腰,她會在臨睡前箍埋手臂,加速見效。


為咗影靚相,周家蔚日日狂操,終於見成績。


未生細仔前,周家蔚開過童裝店,更會在鋪頭親自招呼客人。


兩個人早前去睇舞台劇,撐朋友場之餘順便拍拖。


兩個仔放在第一位,周家蔚亦有孖住老公跟曹永廉、唐文龍、劉永健等合作搞網上生意,努力賺錢。


她指二人已變「老夫老妻」,其實洪天明經常都會氹老婆,特登約她拍拖睇戲。





周家蔚經常帶兩個仔去活動,爭取時間家庭樂。 嗌交當食飯

為靚要吞無味食物,對天生愛吃的周家蔚算是最大挑戰,十多年前跟洪天明撻着,就因為二人都愛美食,老公洪天明送她第一份禮物就是一樽超勁辣椒醬。一二年結婚至今,她形容二人是「老夫老妻」,更自認是女版洪天明。
「我哋好多相似地方,所以先走埋一齊,亦都會明白對方。咁多年,有時佢教我,有時我教佢,大家都有改變成長。一對夫妻唔會一啲事都冇,我哋嗌交當食飯,大家都執着硬頸。而家阿仔有脾氣,佢就話似我,我又話似佢 EQ低。佢成日都話我自以為是,我又覺得佢係咁。不過最後都係佢 say sorry氹番我,我喺佢身上都學到同人講對唔住。」周家蔚說。




近年開始在國內做生意,洪天明孖周家蔚好多機會打扮靚靚出席活動。


被眾人叫阿爸的曾志偉,曾經一再暗示周家蔚要減磅,事後她知道志偉睇住洪天明長大,知道他鍾意「靚嘢」,出於好意叫她減肥。 洪金寶好冧湯盈盈細女

老爺洪金寶愛家庭樂,自從大孫仔出世,一家人每年一定會約埋去旅行,佗細仔時,他們先後去了台灣、越南、馬來西亞及泰國。老爺返香港,第一件事是約一家人見面食飯,她說:「我哋會每日將兩個仔嘅片同相放喺 Wechat group,等老爺知道兩個孫嘅近況,有時太忙唔記得,老爺就會提我哋。」
早前細仔 JT兩歲生日開 P,一班好姊妹包括湯盈盈兩個女都有出席,洪金寶見到即時「流口水」,事後老公洪天明更突然向她提議搵代母生女,她說:「天明見到老爺望住盈盈細女雙眼發光,知佢好恨有個孫女,但又驚我減肥成功唔想再生,咪有咁嘅提議囉。我當時都好愕然,不過我一定唔會咁做,點知代母係咪真係唔食煙唔飲酒。或者等兩個仔入晒小學先追多個,有心唔怕遲,我唔想忽略排喺中間嗰個仔。」




洪金寶錫新抱,好煮得的他,不單在片場煮飯俾兄弟食,更會特登為新抱下廚炮製美食,周家蔚表示跟老爺去旅行,未試過餓嘅感覺。


洪金寶大部分時間在內地開工,每次返香港便會約兩個孫仔見面。


湯盈盈細女活潑可愛,難怪洪金寶見到流晒口水。

撰文、攝影、攝錄:娛樂組
鳴謝: La Brise、 Stephen Lau@Stephen Makeup
Fashion Stylist: Maildred Lo

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()