拍檔 Mandy

娛樂偵訊

現場直擊 牛津劍橋朋友蒲頭 林作中環搞 speed dating唔搶食

贊助商連結

現年 27歲林作,跟女友麥明詩分開後不斷有搞作,放棄唔做大律師,客串拍戲做埋補習天王搵真銀,原來兩個月前,他已經搵定拍檔搞 speed dating,落手落腳開始第一檔生意,上週五在中環一間餐廳試業,一班牛津劍橋朋友撐場蒲頭,全程幫手指導大家玩遊戲的他,更事先聲明絕對唔會同參加者搶食。

好快打成一片

林作夥拍公關朋友 Mandy開檔搞 speed dating,雖然兩人異口同聲表示,他們的活動性質介乎 speed dating和 networking之間,不過就信心十足有好反應。
「我覺得呢檔生意有得做,好多香港人好似我咁,即係二十到三十歲之間嘅人,因為工作關係,好少機會同時間識朋友,總之有困難,有啲工作咗好多年,發覺生活圈子愈來愈窄,夜晚出去社交都係同一班人,但其實一班人同另一班人之間嘅距離唔係咁遠,好容易就打成一片,就好似今晚咁,提供地方俾佢哋,逼佢哋坐埋一齊,就會發覺六個人一 group,好快變成十二個,再變為廿四個。」林作說。




林作命名為「 Social」嘅配對活動,第一炮玩了四個遊戲,他邀請了包括來自劍橋、牛津的律師朋友、紀律部隊等專業人士,不過只有幾個人肯出鏡。由晚上九點半開始,玩到接近凌晨才散 band。


港姐港男都玩

女士收三百,男士收六百,林作堅持以後每星期舉辦的 speed dating定在二十多人的 scale,因他不相信過百人活動能真正達到互動效果。
「我會搵自己朋友嚟玩,如果佢哋有需要,每星期都會有意想不到嘅嘉賓,而家保持神秘,可能係大家認得嘅面孔,港姐港男都有機會,甚至乎係公眾人物,不過我哋私隱度好高,係高度機密,今次試業就俾大家影吓。」林作說。
有大律師資格,揸靚車住豪宅,牛津畢業的林作都算筍盤,不過做搞手的他自言公私分明,不會同參加者搶食:「我對呢件事好認真,唔會公器私用,唔會喺度識女仔。」




林作身邊女朋友大都屬優質盤,有樣貌有學識。


林作去年被拍到在淺水灣 The Pulse露天酒吧開五十人 P,他自言當日全部係律師朋友。


林作波腳當中,有賭王四太兒子何猷亨(後左一),朋友大都有來頭。


早前參加牛津、劍橋搞嘅舊生晚宴,林作話當晚好多美女,大有可能喺嚟緊活動出現。


16年港姐冠軍馮盈盈曾經去過林作新屋 house warming P,唔知會唔會係他口中的港姐神秘嘉賓?


麥明詩近年專注拍劇,冇拖拍一樣狀態大勇,出活動時悉心打扮的她令人眼前一亮。 

Stanley  26歲
中大畢業、上市公司執行董事、作家
「我識女仔係有渠道,不過我嘅圈子好少識到英國朋友,但嚟呢度識唔同社群,下次會再嚟玩,有靚女嘛。」



Charmaine  26歲
專業美容師
「嚟呢度嘅男男女女都諗住開心吓,玩吓遊戲,冇壓力,呢度好輕鬆,感覺良好。」



Karl  26歲
牛津畢業、 3D打印機公司老闆
「成件事幾 chill幾正幾輕鬆,又可以認識新朋友。我睇女仔唔係睇靚唔靚……佢哋幾健談, OK冇悶場。」

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()