探熱針

重返大台唔衰得 宣萱狂操熱褲晒玉腿

贊助商連結

離開大台五年,宣萱揀中《不懂撒嬌的女人》作為回歸頭炮,為了要令人有眼前一亮感覺,宣萱在開拍前刻意搵教練進行地獄式狂操,結果俾她成功塑造潑辣女強人「 Mall姐」一角,劇集出街短短一星期,全套戲日鬧夜鬧,鬧到係人都知宣萱就是 Mall姐。
46歲的宣萱 keep住做運動,上週五( 5日)下午 3時,她一身運動 look露出一雙白滑玉腿,在人頭湧湧的中環街頭,分外搶眼,正忙於篤電話的宣萱, 9秒 9發現有記者,即時 Mall姐上身,笑笑口對記者說:「我當見唔到你!」 Mall姐的氣場頓時表露無遺!

搵教練特訓


17年等過馬路篤電話的宣萱,散發陣陣的 Mall姐霸氣。發現記者影相,宣萱主動揮手打招呼。

深明唔 keep好易老的宣萱,離開大台後因為減少了幕前演出,有一段時間宣萱身形同狀態都有明顯走下坡現象,直至去年她決定回巢拍《不》,向來唔衰得的宣萱,積極 keep fit,又聘請教練鞭策自己定時定候做運動,果然宣萱極速回復狀態,今次在劇中就算面對 4K拍攝都依然省鏡,狀態比五年前離開大台前更 fit更 young。

就連不少網友都激讚 Mall姐凍齡 keep得好,無頸紋,宣萱指除了勤力做運動、 facial外,也託 4K的鴻福,她表示:「 4K有呢個好處,佢後期可以做好多嘢,係咁捽(頸紋)囉!」相當坦白。
上週五(五日)下午三時,著住風褸熱褲,左一袋右一袋的現身皇后大道中,一雙白滑的玉腿,結實有線條,明顯是努力操番嚟的成績,宣萱邊行邊傳語音短訊,但警覺性未有半點減低,記者只是在她身旁走過,宣萱已經察覺有人拍照,並瞄到鏡頭所在,揮揮手對鏡頭打招呼,然後突然 Mall姐上身,對記者說:「我當見你唔到!」便電兔般過馬路,往中建大廈的 shopping mall進發,宣萱於商場內遊走兩間時裝店,店員一早預備定一袋二袋給她拿走,估計是作為《不》劇宣傳之用。




宣萱急急腳行去時裝店攞衫,估計是為《撒嬌》連串宣傳作準備。


13年3年前出席胡興正醫生喪禮,宣萱包包面、水桶腰,同而家兩個樣。 收視有交代

宣萱對上一套無綫劇,已是一二年的《飛虎》,之後主力搵人仔、拍港台劇,這次回歸宣萱坦言是她和公司多份合約中,最快拍板落實的一份。
「之前當然睇過大綱(劇本),了解過班底,但係(決定)只係五分鐘,用電話,呢啲係杜生(杜之克——無綫副總經理)嘅誠意。」宣萱說。
為宣萱度身訂造的《不》劇,標榜 4K全實景拍攝,出街短短一個星期,最高的平均收視有二十六點,即使是慣性收視慘淡的星期六、日,平均都有二十和二十二點,成績相當不俗,不過宣萱唔心急再為大台拍劇,她說:「一切都要先睇劇本再決定。」




劇中宣萱都有背心短褲場面出現,睇得出她下了苦功,肌肉好結實。


99年曾與林文龍一同拍過《洗寃錄》,但講到正式合作有對手戲,《不》才是第一次。


12年同馬德鐘拍完《飛虎》,宣萱決定再告別大台外闖。


週二宣萱孖住劇中一眾演員,包括唐詩詠、高海寧等到中環遊街,為新劇造勢。


早前同三哥、黃翠如等出席《使徒行者》慶功宴的宣萱,表示要稍作休息,暫時無意再拍大台劇。


12年離開大台後,宣萱拍過國產劇《愛情悠悠藥草香》,飾演男主角大太太。

撰文:娛樂組
攝影、攝錄:蕭敬漁

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()