俾佢搵到珠片裙,薛芷倫得悉只需一嚿水,如獲至寶咁興奮。

名人動態

薛芷倫掃$110晚裝:我會著去 Party

贊助商連結

有名叫「 Ball后」的薛芷倫( Fanny),生活消費離不開高檔地方,但上週她竟然現身旺角!
人生首次踏足旺角中心,全因為了老友鄭紹康於下月開台的奇妙電視打頭陣節目《天下第一 Friend》做嘉賓,撐老友不惜「赴湯蹈火」,挑戰從未做過的事一落旺中 shopping。
估唔到 Ball后血拼指標能屈能伸,著開幾萬嘅衫,今鋪在旺中買到百幾蚊晚裝,執到寶一樣咁開心。相信著去 Ball,一定唔會同人撞衫!

Ball后落區 首到旺中踩場

 




老友鄭紹康帶她貼地行旺角,薛芷倫即當「旺中」係 Ball場,以火辣戰衣上陣,簡直矚目。


攞過十大衣著的 Ball后幫襯,仲要價都唔講就掃三件,老闆娘梗係開心。 Ball后駕到旺粉嚇一跳

當日傍晚,薛芷倫以火辣低胸戰衣殺落旺角中心,正值放工旺場時間,自然好矚目,不少人發現是 Ball后薛芷倫駕到都嚇一跳,跟手當然是舉機影相留下歷史性一刻。
行慣名店,薛芷倫身處極端檔次的貼地「旺中」,異常興奮。在老友鄭紹康一路一帶,無論十蚊一條「朱義盛」或幾十蚊一件衫,踩住六吋高跟鞋的薛芷倫如發現新大陸,尤其對幾十蚊有交易的手機殼,她同鄭紹康更連掃多個。

消費四嚿水

平日買個手袋都要幾萬蚊,當日行旺中的她消費只係四嚿水就大有收穫,包括一條即買即戴的「朱義盛」頸鏈,三件衫等,另類滿足。
事後問她是否人生首次行旺角,她說小時住九龍塘,所有活動範圍都離不開九龍塘。長大後「戰地」轉了尖沙咀的海運大廈或半島酒店,婚後住港島區,行街購物範圍是中環,生活消費全在高檔場所。

一小時旺中血拼之旅,對她而言等同食得魚翅多,一餐鹹魚白菜也好好味,旺中貨買呀買,戰利品總額$445。




碎花上衣$45


珠片衫$80


手機殼× 3$210


cap帽試戴唔買


朱義盛頸鏈店主送贈 薛:原來旺中幾乾淨

「細個每星期要去法國文化協會學法文,搭巴士就會經過旺角,上完法文堂就喺附近嘅『牛奶公司』食茶餐,就係咁多。旺角中心冇行過,我覺得好刺激,個場原來幾乾淨喎。其實我好鍾意行呢啲商場仔,過往只有去旅行時,到日本或韓國先會行,睇吓啲地道嘢。」







鄭紹康的訪問節目是奇妙台重炮之一,逢週六晚上十點播出。除薛芷倫,碌盡友情咭的他還請來徐濠縈,據聞話題更涉及敏感的「分享症」。 教人平衫貴著

掃咗三件旺中平價貨唔係交戲,其中一條$110的金色晚裝裙,薛芷倫話一定會著去 Party。她說:「喺嗰度竟然搵到條晚裝裙,好驚喜,無諗過手工幾靚,我會著去 Party㗎,然後鋪上 Ig俾人睇吓點樣 mix&match,因為我鍾意平衫貴著,唔一定成日名牌。嗰日總共消費咗$445蚊,經濟實惠。」落區落出癮,薛芷倫話一定再嚟!




Ball后多年的衣著,都是性感中不失型格,近年更鍾愛閃金。




53歲的薛芷倫,是馬清偉的前妻,育有一女兩子, 04年跟馬清偉離婚時曾說:「這是我最好的生日禮物。」 09年患上乳癌,跟死神搏鬥年多康復,因化療及藥物引致併發病,外貌雖受影響,但她樂觀面對。

撰文:娛樂組
攝影、攝錄:蘇銘賢

 

, ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()