煎 pang早排返內地拍劇,單文柔單拖行街過日辰。

探熱針

陳展鵬勒令做「隱形女友」 單文柔使錢發洩

贊助商連結

上個月陳展鵬被撞破偷會落選港姐單文柔( Phoebe)拍拖買傢俬,更匿埋暗角拖手兼攬腰。有圖有真相,不過當事人依然死囗唔認。
踢走胡定欣, Phoebe坐正做「展鵬嫂」,緋聞曝光後,煎 pang一直潛水返內地拍劇。
男友唔喺身邊, Phoebe惟有靠 shopping打發時間,前排單拖現身尖沙咀行 Chanel,唔使廿分鐘埋單攞貨走。

被迫隱形


上週五,單文柔出席活動時被問到同煎 pang關係,繼續死撐指對方係朋友。

戀情見光,煎 pang即被高層照肺, Phoebe被勒令繼續做「隱形女友」。近月要長駐內地拍劇的煎 pang,原本一早 book定機票俾女友,人肉速遞去北京探班,最終被迫剎停,孤伶伶留喺香港的 Phoebe,惟有靠 shopping發洩。

行 Chanel掃貨

早前 Phoebe一身便服戴 cap帽喺尖沙咀出現,啱啱做完瑜伽落樓, Phoebe走入半島酒店的 Chanel,入到店鋪, Phoebe目標明確,睇鞋!
見她左揀右揀,主要睇平底鞋,試完一對又一對,最終揀咗今季最搶手的拼色草鞋,盛惠$4400。之後 Phoebe轉 target睇銀包,睇中一個橙色的 wallet on chain,立即試上身,逗留廿分鐘後, Phoebe手拎戰利品走人。




試完一輪,單文柔扑槌買了 Chanel新款草鞋,盛惠$4,400。


除咗睇鞋,單文柔仲睇啱呢個價值$14,600的 Wallet on Chain。


搭巴士返歸時,單文柔繼續 online shopping,其間仲睇中一對男裝 Bally皮鞋,相信係幫煎 pang買。 幫煎 pang揀男裝

離開半島後, Phoebe搭巴士返歸,等車期間 Phoebe再用電話 shopping,見她不斷瀏覽 online shop,專注睇男裝鞋,上到巴士, Phoebe埋頭狂 send短訊。其間 Phoebe更睇中一對 Bally男裝皮鞋,秒速 cap圖再 send俾對方,咁積極!睇嚟對方都應該係煎 pang!




上個月煎 pang同單文柔被撞破拍拖買傢俬,仲匿埋暗角攬腰。


唔認拍拖


正在為新劇《天命》趕工的煎 pang,開工時狂食電子煙。

靠緋聞帶挈, Phoebe工作量大增,前排出席活動, Phoebe話係第一個賺外快機會。不過被問到同陳展鵬關係, Phoebe繼續擘大眼講大話,堅稱對方係朋友:「我哋係認識中嘅朋友。(發展中?)將來的事好難答,現在工作行先。」

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()