探熱針

早過徐濠縈做時裝教母 黃淑儀 80年代安蘭街開鋪

贊助商連結

大台阿媽級演員,當中曾經是女一,事業有過光輝一頁。其中 66歲的程可為,比同期的趙雅芝更早擔正外,更與未嫁入豪門的朱玲玲並排,相當架勢。
至於憑《吾淑吾食》系列,成為近年 Icon的阿媽級廚藝高手黃淑儀( GiGi姐),當年既是索爆女一,亦是潮人一名,早過徐濠縈做圈中時裝教母。

支持本地設計

早在八十年代, GiGi姐(黃淑儀)因身材高䠷,加上著衫有 taste,是當時罕見的有型花旦。在大台擔女一同時亦跟朋友開時裝店,比 D-Mop更早進駐中環安蘭街開鋪,走中檔路線,撐的是本地設計師作品。當時剛冒出頭的劉培基、 Benny Yeung(楊遠振)等的設計,存賣在 GiGi姐的時裝店。
「當時八十年代,香港人不太接受 Made in Hong Kong,多數鍾情歐洲牌子,但外國空姐來港,就衝嚟我間鋪買衫,佢哋鍾意香港製造,因為唔貴設計又好。」她說。
時裝店生意一直好,可惜隨着中英會談,香港面臨回歸,受大環境影響下,加上 GiGI姐要移民,拍檔唔想獨力撐,就算生意冇蝕錢,最後還是決定將經營三年的心血結束。




開時裝店時, GiGi姐不時做鋪頭生招牌,其中自家出的腰帶, GiGi姐話 keep到依家,款式經得起考驗。


GiGi姐的咭片,是一張舊照,佢個 look依家睇番一樣有型。





真空上陣行處女騷

開過時裝店,入行前的 GiGi姐亦被提名過朱玲玲、戴月娥及鄭文雅參選港姐的當年瑞興百貨的美術顧問宗惟賡(宗伯伯)賞識,邀做 model行天橋,還給她一個挑戰。「有件行 catwalk嘅旗袍係特意為我做,但唔可以著胸圍,同我一齊行 catwalk嘅仲有幾位來自日本嘅 model。」幸好 GiGi的身材跟其廚藝一樣,屬真材實料,能勝任這個當年叫做的大膽嘗試。




當年花旦中,她是性感有型格的一個。呢一套又係真空上陣。


贊助阿梅唱片服裝82年梅艷芳處女碟《心債》的封套造型,身穿的型格套裝,正是 GiGi姐時裝店「 GiTo」贊助。


昔日大台三大花旦,黃淑儀、汪明荃及李司棋各有氣質。


仙氣逼人十八歲的 GiGi姐,外貌無添加,加埋可愛的兔仔牙,仙氣逼人。她身旁的小鳳姐,當年同樣是美胚子。兩人識於微時,小鳳姐開演唱會, GiGi姐罕有做嘉賓。





入行前做過 model,處女作就夠膽著旗袍真空上陣行騷,大露背裙在 70年代的港女而言是前衞打扮。





有雙長腿,當年襯到她高度的男一不多,其中謝賢與她合演《紅顏》。

撰文:娛樂組
攝影、攝錄:蘇銘賢
場地提供:花粉熱 Cafe Hay Fever

 

, , , , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()