邱淑貞同沈晨(細女)一杯雪糕兩份食,母女同樣食得一臉滋味。

同你吟一吟

放生沈月 邱淑貞一杯雪糕搞掂細女

贊助商連結

要數嫁得好的 90年代性感女星,邱淑貞坐亞望冠。婚後全職做家庭主婦的豆豆,大女沈月眨吓眼已經 15歲,堪稱最索星二代。有報導指沈月靚爆鏡,不單是校內風頭躉,又是網上紅人,惹來狂蜂浪蝶,搞到做阿媽的要出招玩人釘人,慎防囡囡行差踏錯。

15歲女,點會肯俾阿媽日日玩人釘人?況且邱淑貞仲有兩個寶貝女要照顧,呢日八珍就撞到靚太接完細女沈晨放學,殺落銅鑼灣 citysuper,原來寶貝女要食雪糕,做阿媽嘅咪順吓意配合。兩母女於雪糕檔指指點點,傾得好開心,邱淑貞亦罕有地露出鬼馬表情。經過一輪研究,終於拍板開心「些牙」,一杯兩份。兩個邊行邊食,一臉滋味,眼見放工時間,人潮湧現,於是孖住沈晨急急腳搭𨋢,速撇!




兩母女指指點點研究食乜好,邱淑貞罕有露出鬼馬表情。


買完雪糕,即拖住囡囡搭𨋢走人。


90年代邱淑貞搏到盡,不時以超性感上陣,其中《赤裸羔羊》可以說是經典中的經典!


大女沈月, 15歲已經繼承邱淑貞的靚樣,加上頻頻 ig po靚相,惹來不少人網上求愛。


有報導指邱淑貞以人釘人方式𥄫實沈月,慎防沈月行差踏錯。

撰文:八珍

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()