Amanda S曾因失婚激瘦,個樣亦蒼老不少。

名人動態

愈識愈有米  Amanda S 2億猛料男友起底

贊助商連結

現年 37歲的名模 Amanda S,兩年多前同意籍有錢老公 Christian Cappelli離婚,原來已火速撻着有米新歡 Sam,日前, Sam更駕住三百多萬 Bentley接載 Amanda S去淺水灣開餐,愈識愈有米,新歡 Sam從事投資生意,更手持 6個物業,市值 2億!

 


揸三百萬貴車
十七年前同郭富城緋聞轟動一時的 Amanda S,一四年七月同結婚三年意籍老公 Christian離婚,靚女果然不愁寂寞,唔夠三個月, Amanda S已撻着現任男友 Sam,至今已經拍拖兩年多。
上月底, Sam就駕住價值三百萬的 Bentley載 Amanda S到淺水灣開餐,晚上七時多,兩人步出餐廳,漫步去攞車,行行吓,二人又企埋一邊傾偈,其間 Amanda S更點住煙邊行邊食。
三月二十三日, Amanda S出席中環置地一個活動,便拖埋男友 Sam到場,大方承認新戀情。但提到可有結婚計劃, Amanda似乎仍在考慮中。
「因為自己試過一次婚姻失敗,睇吓啦!如果再婚會有少少緊張,上一次實在令我好心痛,依家關係好開心,都有傾將來!」
會否再婚未有答案,但 Amanda S對新關係就充滿信心。「無信心唔可以一齊影相!依家關係好穩定,所以可以一齊嚟!」

有代客泊車細心開埋車門, Sam只顧摺好件衫。

男友 Sam出動三百萬 Bentley戰車接載 Amanda S。

作風豪邁的 Amanda S,竟毫不介意在男友面前用手指撩牙!

Amanda S煙癮頗大,上車前亦先要吸支煙。

同前夫 Christian11年在羅馬結婚,因老公有外遇而離婚。

Amanda S兩間甜品店先後結業,現在專注拍拖,間中才客串做老本行 model。
億萬富豪


現年 44歲的 Sam家底豐厚,為 14間上市公司董事,生意涉足多個範疇,包括投資、時裝配飾等,手持多個磚頭,全部千萬起跳,保守估計身家近三億。

長沙灣恒昌工廠大廈 11/F全層  2,450萬( 08年)  7,000萬
灣仔會展中心會景閣中層相連單位  3,130萬( 07年)  1.2億
灣仔會展中心會景閣高層單位  1,739萬( 11年)  5,500萬
約 2.4億
前夫有外遇
相對金融才俊前夫 Christian Capelli,新歡 Sam( Ahmed Syed Sameeruddin)更加富貴,經營投資生意的 Sam,開有十多間公司,手上還持有三個灣仔會景閣單位及三個工廈物業,市值超過兩億。
除咗性格好夾之外, Sam工作幾忙,都一定抽時間陪 Amanda,呢方面係令佢好感動嘅,但因為同前夫 Christian婚姻失敗,對 Amanda打擊好大,「嗰時完全無諗過對方有外遇,最初係幾接受唔到!」知情者說。
一一年同拍拖九年意籍老公 Christian在羅馬舉行婚禮,之後 Christian更打本 Amanda S開設甜品店 petite Amanda,但隨住二人離婚, Amanda亦將甜品店股份出售,最後甜品店更結業收場。

雖然已屆 37歲,但 Amanda S身形變化不大。

日前, Amanda S拖埋新歡 Sam出席活動,承認對戀情有信心。

Amanda S一入行就遇着天王郭富城,兩人拍完 MV就撻着。

曾經係「美女廚神」, Amanda S經常自己買嘢下廚。
撰文、攝影、攝錄:娛樂組

, , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()