負責抱住細女的傅家俊,在旁邊教 Bella擲豆袋。

名人動態

親子運動會 傅家俊齋睇唔玩

贊助商連結

出名多「星二代」的維多利亞幼稚園,上星期六(廿五日)舉行「星級運動會」,在佔地 43000平方米,足夠容納 12000人的小西灣運動場進行,認真巴閉!當日除咗楊冪、劉愷威兩公婆罕有合體,湊住「小糯米」現身,仲有商台一班 DJ,包括少爺占、朱薰都舉家出席。

 


傅家俊齋睇唔玩
有「神奇小子」之稱的香港首席桌球手傅家俊( Marco),一早就都拖住老婆同兩個囡囡到場,玩足一個上晝。
一一年 Marco突然公佈婚訊,婚後火速誕下兩個寶貝女 Bella同 Amelia。難得放假, Marco變身做「湊女公」,全家總動員陪 Bella去運動會。一到埗, Bella先去表演區集合,同一班小朋友一齊跳「動感扭扭操」,負責抱住細女的 Marco在家長堆中左穿右插,搵個靚位睇阿女表演。
四歲大的 Bella同爸爸餅印一樣,包包面好得意!之後一家四囗去排隊玩擲豆袋、跳呼拉圈,不過多數係媽咪落場玩, Marco就企喺旁邊做啦啦隊,齋睇唔願郁! Bella遺傳爸爸的運動細胞,又跑又跳四個鐘,依然面不改容。

Marco霸頭位睇 Bella表演。

跳完呼拉圈, Bella拎到獎盃,捉住爸爸影相。
朱薰 B萌爆
中午時分,商台 DJ少爺占同朱薰等拉大隊現身。現場所見,少爺占的三歲囝囝 Timmy同朱薰四歲大仔 Liam老友鬼鬼,成日孖住一齊玩。不過最搶鏡都係呢期紅爆 ig的朱薰細女譚在之,肥嘟嘟眼仔碌碌,現場個個 uncle auntie都爭住抱,連老師們都輪流搵 B女集郵。

朱薰 B女眼仔碌碌勁得意,連老師們都爭住集郵。

少爺占三歲囝囝 Timmy,同爸爸餅印一樣。
楊冪、劉愷威零交流

楊冪同劉愷威兩公婆罕有合體,仲落場陪「小糯米」拋波波。

 

兩公婆全程企到離行離列。
撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()