阿 Bob率領李逸朗同趙永洪喺夏蕙 BB面前大做三級動作,場面搞笑。

娛樂偵訊

阿 Bob跳脫衣舞 辣到夏蕙姨㷫烚烚

贊助商連結

由電視轉戰大銀幕的林盛斌( Bob),一向都以搞笑形象自居,為演出更加搏到盡,唔介意重口味兼大玩騎呢,最近再為新戲《江湖三傻》擔正做男一,戲中阿 Bob孖住李逸朗和趙永洪誤打誤撞成為男妓,早前,三人在銅鑼灣一會所開工,戲中飾演大客的黃夏蕙帶埋幾個好姊妹幫襯,三條 King喺 auntie面前大做「老漢推車」等三級動作,夏蕙 BB即時㷫烚烚!

 


「露點」做男妓
電影《江湖三傻》,除咗有林作處男下海參演外,仲有林盛斌( Bob)、李逸朗( Don)、黃榕、陳蕊蕊等參與演出。
早前林盛斌( Bob)、李逸朗( Don)及趙永洪就現身銅鑼灣一高級會所為電影開工,當日黃夏蕙做大客幫襯,更主動將一大疊銀紙塞入阿 Bob及 Don褲內做「打賞」,三條麻甩佬即刻好識 do,喺夏蕙 BB面前大跳脫衣舞,阿 Bob當眾一脫,兩點盡露之餘更加送一大嚿「豬腩肉」,此時,三條 King仲 High爆加戲,即場大玩「老漢推車」兼模仿性愛動作,搞到年過八十嘅夏蕙姨㷫烚烚!事後,阿 Bob更有感而發:「今次我作為男演員要喺套戲入邊提供性服務,即係做「鴨」啦!不過能夠為夏蕙 BB提供呢種服務係幾得意!」

夏蕙 BB high爆叫飾演「男技」的阿 Bob除衫。

夏蕙 BB睇脫衣舞睇到眼都唔眨。

之後阿 Bob仲脫埋衣,喺夏蕙 BB面前露兩點,不過「巨腩」似乎仲出位。

阿 Bob同李逸朗自動波加咗場「老漢推車」戲。

李逸朗 high爆將阿 Bob個頭壓落自己下體。

夏蕙 BB主動將一大疊銀紙塞入阿 Bob及李逸朗褲內做「肉」金。
同夏蕙姨濕吻縮沙
除了阿 Bob有機會同夏蕙 BB演床戲外,原來李逸朗都同夏蕙 BB有更激情對手戲,認真好「艷福」。「為咗令電影更有叫座力,特別安排阿 Don李逸朗同夏蕙 BB加咗場激情濕吻戲囉!不過阿 Don接咗套戲知道要同夏蕙姨濕吻,起初就整色整水想縮沙,不過佢再睇晒成個劇本之後,就覺得個劇本好有創意同好搞笑,如果真係要做呢場戲都無所謂喎,但佢就話一定要拉埋阿 Bob落水,當係益埋好兄弟!」工作人員
透露。

林作處男下海參演電影,更同性感女星黃榕及尹蓁晞( Yumi)有對手戲。

作為電影老闆的程芷渝( Milla),不惜化到全面八婆癦兼齙牙 look參演電影。
撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()