名人旅遊

七億富婆唔亂使 兩孝女陪曹央雲貼地遊京都

贊助商連結

擁有逾七億身家的富婆曹央雲,去年底爆出被生母多年來苛索無窮,甚至生命受威脅,一直獨自照顧兩女的她,早前終於走出陰霾,由大女 Audrey負責總指揮,安排貼地京都遊。全程由兩個孝順女帶住吃喝玩樂,曹央雲有番笑容。

用得其所

單親媽咪曹央雲,多年來生活以兩個女兒為重心,每逢學校長假期,她多會跟女兒出外旅遊,讓她們放眼世界增長見聞。一家三口早前遊京都和奈良,行程、膳食更由讀中一的長女 Audrey安排。
「央雲由細到大教兩個女應使則使,最緊要用得其所,好似喺餐廳叫食物,一定要食晒,唔可以浪費。大女讀三年班時,用咗兩年嘅書包,都堅持洗淨再用,唔買新書包開學,好樸素。 Audrey知道媽咪早排為咗屋企事唔開心,所以今次行程唔煩佢,事先上網搵定好多資料,由落機買飛搭子彈火車去酒店,每日食邊間餐廳,一個人搞掂晒, Audrey自理能力高,做得好妥當。 Promise(細女)有樣學樣,得六歲人仔乜都話自己做,幫手拎大行李。其實呢啲都係身教,央雲出名孝順,兩個女同婆婆、阿姨一家相處過,孝順都係喺媽咪身上學返嚟。」曹央雲身邊人說。




行街行到攰,家姐索性抱住細妹搭電梯,好溫馨。


兩姊妹搭子彈火車,一人負責搬一個大喼,完全唔使曹央雲幫手。


途經新鮮手做草餅店,三母女見師傅落力又嗌又打,全程笑住睇。


大女帶曹央雲去食湯煮福袋,三十幾蚊已經有一大碗。


細女手掌大士多啤梨,超甜。


大女搵的日式餐廳,一盤魚生有唔同部位可選擇,百幾蚊已經有交易。


京都之旅,曹央雲跟兩個女參觀大小神社,身為基督徒的她指純粹入鄉隨俗,欣賞古建築物。


精靈 Promise在鏡頭前愛擺不同甫士拍照。


出發前,大女先睇清楚街道地圖,再買車飛去目的地,全程做導遊帶住媽咪同細妹。


細女 Promise愛動物,家姐特地安排一家到公園餵鹿。 治療心情

京都之旅後,曹央雲在 facebook抒發心聲,指幽靜的京都是治療情緒好地方,住了幾天,對事物對人生都有不同看法,如跟兩個女兒晚上看煙花、或在路邊看師傅努力做草餅,都令她領略到生活簡單的快樂。
「 Audrey今次帶媽咪去食嘅嘢一啲都唔貴,好似百幾蚊嘅大盤魚生,只賣幾蚊嘅新鮮草餅,好地道。平日喺香港出入有司機接送,今次遊京都,三母女全程坐火車, Audrey好細心,會先睇地圖然後買車飛,等媽咪放心。 Promise鍾意動物,其中一日嘅節目,家姐就安排去公園餵鹿, Promise見到動物好興奮,唔捨得走。」曹央雲身邊朋友說。




酒店服務員即場教他們 Shabu Shabu的正確煮法。


入住的八千代酒店,擁園林魚池,曹央雲跟細女著住和服參觀。


酒店供應晚膳,賣相精緻,牛肉 Shabu Shabu肉鮮美味。 文學家故居

為要體驗古時日本人生活,曹央雲提出入住京都的八千代日式酒店,她在 fb指酒店由江戶時代文學家上田秋成晚年故居改建而成,擁有不一般的文化氣息,兩個女兒在酒店內學穿和服、茶道。
「央雲中學讀書成績唔錯,因為要做嘢養家,所以冇機會讀大學,佢見兩個女讀書都叻,又經常攞獎,所以好用心栽培。佢成日話希望有個幸褔家庭,兩個女咁生性,佢都應該開心啦。」曹央雲身邊人透露。

撰文、攝影、攝錄:娛樂組

 

, , , , , , , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()