早前叻哥同秀姑連體嬰拖住手到又一城放閃!

同你吟一吟

閃到盲喇 叻哥秀姑一杯雪糕兩份食

贊助商連結

結咗婚三十八年,叻哥同秀姑呢一 pair,真係打風都打唔甩。早排呢對「模範夫妻」又放閃喇!兩公婆喺又一城手拖手,經過雪糕店,秀姑要食雪糕,拉住叻哥喺雪櫃前傾咗一陣,最後叫咗杯單球雪糕,之後你一啖,我一啖,壹仔都俾佢哋閃到盲喇!

陪完老婆,轉頭叻哥又同老友出發去歎世界。今個月初,叻哥孖住譚詠麟去法國滑雪,仲喺雪山浸溫泉,真識歎!見到佢哋赤裸裸,有 fans就留言笑話:「兩件五花腩在出水。」又形容得幾貼切喎!!




秀姑揀雪糕三心兩意,最後都係叻哥話事。


一杯雪糕,秀姑食完一啖,到叻哥食一啖,好 sweet!


叻哥同譚校長去雪山赤裸裸浸溫泉,俾粉絲嘲笑「兩件五花腩」。

撰文︰八珍

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()