燒衣紙時,邵仲衡表現虔誠。

娛樂偵訊

拍靈異劇有唔妥 邵仲衡燒完衣紙再睇心理專家

贊助商連結

邵仲衡三月初為 ViuTV靈異電視劇《詭探》開工,拍唔夠一個月,在劇中飾演茅山師傅的他,發覺自己「周身唔舒服」,日前在旺角開工,講過唔使驚的邵仲衡先在街頭燒衣紙,收工之後,又即約臨床心理學家,中西方法雙管齊下。

茅山師傅照住

週日(三月十九日)上午十點左右,《詭探》在旺角一幢商業大廈的卡拉 OK拍外景,拍到中途,邵仲衡離隊落樓,原來工作人員早為他準備了拜神用的金銀衣紙,見雨勢稍停,近日自言心神不定的邵仲衡,即點香向四方朝拜,之後再燒了一大疊金銀衣紙。
「最初開工, David都唔覺有唔妥,就算老婆問佢怕唔怕撞邪?佢都話做咗法事唔需要驚,加上拍攝全程有茅山師傅鎮住,所以好放心。到入廠開機拍咗幾日,佢要做啲驅鬼動作,又見到同劇演員食蟲食生牛肉,佢發覺自己周身唔聚財,但又講唔出咩事,總之唔多妥,工作人員見佢驚驚哋,咪特登安排一日拜神,但求大家都心安。」工作人員透露。




沒有宗教信仰的邵仲衡,依工作人員提議,在街頭燒香。


燒香燒衣紙後,邵仲衡再誠心合十向天膜拜。


開鏡當日,邵仲衡表示有茅山師傅坐鎮,一啲都唔驚。 有異樣

邵仲衡在美國讀大學唔信邪,冇宗教信仰。拜完神,收工後又到尖沙咀一幢商業中心,原來他再約了臨床心理學家鄒凱詩傾偈。
「邵仲衡覺得呢啲嘢都係信則有,不信則無,拍呢部劇遇到怪事,佢就會話呢個世界上有好多神奇力量,好似佢哋有日喺山上拍外景,搵極都搵唔到路落山,到茅山師傅講咗幾句,佢哋先落到山!不過佢份人不嬲好放鬆,就算有咩異樣唔妥都會笑笑口。」工作人員透露。
吹水停唔到口,約了臨床心理學家鄒凱詩解疑難的邵仲衡,傾足一粒鐘依然未夠喉,之後再跟她在附近 Starbucks繼續話題,傾到四點,邵仲衡先同對方講拜拜走人。




收工後,他即搭車去尖沙咀搵臨床心理學家傾偈。





復出後,邵仲衡雖然無緣返娘家無綫拍劇,但卻成為 ViuTV「台柱」,幾乎每部劇都有份,在話題劇《瑪嘉烈與大衞》跟黃心美有不少對手戲。


同心理學家傾唔完二人之後再到附近 Starbucks繼續坐低慢慢傾。


本來覺得唔妥的邵仲衡,傾完一輪後,終於有番笑容。


當年在經典劇《大時代》扮大佬孝的他,跟李麗珍飾演情侶,前年復出拍戲人氣急升成搶手演員,兩人又合作電影升級做夫婦。

撰文、攝影、攝錄:娛樂組

 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()