探熱針

過氣未婚夫 Martin當街小便 陳雅倫:佢成日都係咁!

贊助商連結

陳雅倫與吳彥祖表哥 Martin拍拖半年,二月宣布拉埋天窗,但三月就斬纜玩完。寧願婚事撻 Q,都唔想上錯賊船的陳雅倫直指 Martin「死因」,包括攬女、玩失蹤、講大話,最大罪當然係求婚唔認數。
Martin唔只底花,亦缺公德心,本刊收到爆料爆片, Martin有廁所唔借,花槽射尿,當街小便。
一聞前度缺德行為,陳雅倫忍唔住寸對方:「佢成日都係咁,四圍屙尿。」

花槽當尿兜


尖沙咀天文台圍

陳雅倫過氣未婚夫 Martin唔止花心,亦好冇公德心。從爆片中睇到,當晚飲到啤啤夫的他,身處布滿酒吧餐廳的尖沙咀天文台圍,人有三急大把廁所可借,但 Martin偏偏選擇就地解決,鎖定花槽當尿兜,就拉開褲鏈「淋花」。

尿窒唔暢順

在街燈照明下, Martin「灌溉」過程相當高清。其「水流」窒吓窒吓,唔多暢順。加上飲醉企唔穩, Martin一半射花槽,一半彈晒落地,相當嘔心。當街小便過程歷時足足分幾鐘,睇嚟 Martin的膀胱相當大負荷。




陳雅倫爆 Martin愛當街小便,拍拖時力勸他搵食肆借廁所,不過叫極唔聽。


Martin 45歲生日當天,在一班朋友前向陳雅倫求婚又叫她「老婆」,事後卻唔認數。 陳雅倫勸佢唔掂


分手後,陳雅倫在 fb以千字文鬧爆 Martin幼稚,絕對不會為嫁而嫁,終於清醒。

得悉前度當街屙尿,陳雅倫「吓」咗一聲,就忍唔住寸爆佢個腎。「唔係啩,咁唔小心,又俾人影到佢屙尿!佢成日都係咁。」言下之意,即 Martin係慣匪。
講到 Martin呢個習慣,陳雅倫不吐不快。「以前同佢行街,由下午行到夜晚,佢一急,明明有酒樓可以借廁所,佢唔借,企喺後巷就咁……,唔好睇嘛!又冇公德心,同佢講咗好多次,都唔聽。」

當街小解無畏色

個人喜好,唔易改。陳雅倫續說:「佢成日飲醉,要我接佢走。佢飲醉就四圍屙尿,你係男人都唔可以咁做,呢樣嘢犯法㗎嘛!仲要喺光猛地方,唔怕人見到,真係幫唔到佢。」
Martin北上從商多年,可能忘記香港法例。提提他,根據《公眾潔淨及防止妨擾規例》,任何人士在公眾地方大、小便均屬違法,初犯最高罰款五千元,重則罰二萬五及監禁六個月。




賣運動用品的 Martin,年多前投資酒吧生意,愛蒲愛飲的他幾乎每晚在酒吧打躉。


Martin本來約好到機場接陳雅倫,但卻失蹤唔見人,事後更被發現在夜店攬陳惠敏女兒夜蒲。 仲有邊個隨處小便

林海峰
07年,林海峰跟朋友到西貢滑水,人有三急在海邊小便,事後他更幽自己一默,以電台節目名形容「在晴朗的一天小便」。



馬天佑
16年,馬天佑跟好友吳千語在數碼公園放狗,日光日白人有三急就地小便,事後他不斷道歉認錯 say sorry。




(《蘋果日報》圖片)

雷有暉
00年,太極成員雷有暉去完 rave party飲到醉晒,在提款機前小便,被警察當場捉住。

撰文、攝影、攝錄:娛樂組

 

, , , ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()