盧頌之誕七磅B女感動爆喊

贊助商連結

27歲女藝人盧頌之昨日剖腹誕下逾七磅BB女,陪入產房的大隻男友趙勁皓讚女友勇敢,指她見到BB後不禁感動落淚,又指最心急想知BB女有否遺傳他的大耳朵!



DaDa唔捨得女兒出世,相信唔少媽咪都感同身受。

大隻仔趙勁皓(King)與女藝人盧頌之(DaDa)拍拖逾三年,DaDa去年宣布懷孕,兩人決定先產女後結婚,上月更拍下一輯「半裸大肚寫真」晒幸福。昨日,他倆終榮升爹哋媽咪,DaDa於傍晚約6時在九龍一間醫院剖腹生產,誕下逾七磅的可愛BB女,可喜可賀!

King昨日陪實DaDa入產房,他笑言BB女出世一刻相當搞笑:「BB女只係尖叫咗一聲就冇喊喇!我當時都係緊張DaDa有冇驚、有冇覺得好痛。我覺得佢好勇敢,其實生BB嗰陣,DaDa有流過少少眼淚,直到佢見到囡囡就即刻爆喊,我知佢好感動!」King天生是「大耳牛」,兩人第一時間關注BB女有否遺傳爸爸的特徵,他笑說:「我哋都好緊張,係咁問個女對耳仔係點,不過佢太細個,又包到實一實,所以暫時未知。(囡囡似邊個多啲?)我覺得似我。(算唔算大隻BB?)哈哈!個頭算比較大。」


DaDa剖腹生女,推入產房前擺出搞鬼表情留影。

DaDa與趙勁皓嘅愛情結晶出世喇!BB女睇落又真係似爸爸喎!

趙勁皓着齊裝備陪產,但包唔到對大耳仔!
三人世界不再任性

DaDa入產房前仍在網上留言,心情明顯興奮又緊張,並笑言不捨得乳名「踢踢」的BB女出世:「生喇!生喇!踢踢最後一日喺我個肚入面……有啲唔捨得你添……呢段日子應該係我同踢踢最親密嘅時間……個個都問我同趙生緊唔緊張……其實最緊張係踢踢出世之後嘅日子……從此兩個人嘅世界就變成三個人喇!咁就畀趙生同踢踢收服咗,所有嘢都唔可以淨係諗自己……冇得再任性,要對自己、對趙生、對踢踢負責任。多謝喺我有咗之後一直喺身邊照顧提點我嘅所有人,特別係健身房上上下下,令趙生工作愉快開心,多咗時間照顧我。」

文:影視組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()