羅嘉良未肯為乖女戒煙

贊助商連結

羅嘉良(撈家)出名係好爸爸,對仔女非常疼錫。舊年尾,佢就攞幾十萬畀同前妻所生嘅大仔羅裕珹,遠赴加拿大升學,之後又為咗三歲囡囡Sela避開北京霧霾,同老婆蘇岩舉家暫遷海南三亞。

撈家做任何事都為咗兩頭家,但佢就唔多理自己嘅身體健康,多年來煙不離手;一三年,佢仲畀傳媒發現對住懷孕嘅老婆煲煙;現年五十四歲嘅佢,至今仍無意戒煙。

日前,撈家返香港為主演嘅無綫新劇《與諜同謀》宣傳,活動完,再同大班粉絲chitchat後,就急急腳上七人車離開。當七人車返到尖沙嘴一間酒店附近,佢一落車就煙癮起,第一時間攞出一包煙,隨即點煙邊行邊食,即使過馬路都煙不離手。期間,佢經過一條小徑,見人少少,又立即企埋一邊點起第二支煙,一面食一面沉思,如傳聞所說五分鐘兩支煙。

早前,撈家開夜班拍劇,導演未叫埋位,佢就自動波企去對面馬路,不停煙駁煙提神,完全唔使唞!其實,撈家可以為阿囡健康全家搬屋,唔知佢幾時考慮為阿囡戒埋煙呢?

現年五十四歲嘅撈家,外表與神態充滿男人味之餘,亦充滿煙味。

 

早前,撈家拍劇開夜班,未埋位時都會行埋一邊食煙提神。

 

為避霧霾,撈家帶囡囡Sela搬去三亞度假,佢自己就仲未肯戒煙。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()